"Finlandiya Prezidenti Aleksandr Stubb bu ilin noyabrında Bakıda keçiriləcək COP29 iqlim konfransında iştirak etmək üçün Azərbaycana səfər edəcək".
Bu barədə "Report"a açıqlamasında Finlandiyanın Azərbaycan və Cənubi Qafqazın digər ölkələrindəki səfiri Kirsti Narinen bildirib.
"Prezidentimizin COP29-da iştirakı göstərir ki, iqlim problemləri, o cümlədən iqlim dəyişikliyinin təsirləri, təsirlərin yumşaldılması və uyğunlaşma Finlandiya üçün böyük əhəmiyyət kəsb edir. Biz, həmçinin konfransa bir qrup ekspert və biznes nümayəndə heyətini göndərəcəyik. Bizim Aİ çərçivəsində keçirilən tədbirlərdə iştirakla bağlı böyük ənənəmiz var və bu cür konfranslarda konkret nəticələr əldə etməyə çalışırıq. Tədbirə öz töhfəmizi vermək istəyirik və uğur qazana biləcəyimizə əminik", - o deyib.
Tacikistanda işgüzar səfərdə olan Milli Məclisin sədri Sahibə Qafarova Düşənbə şəhərində Özbəkistan Ali Məclisi Senatının sədri Tənzilə Narbayeva ilə görüşüb.
Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva və Bakı Media Mərkəzinin rəhbəri Arzu Əliyeva Qəbələ rayonunda keçirilən "Gənclərin yaşıl təşəbbüsləri" ekoloji düşərgəsinin qonağı olublar.
“Azərbaycanın getdikcə artan beynəlxalq nüfuzu özünü ölkəmizin Müstəqil Dövlətlər Birliyinin (MDB) fəaliyyətində artan rolunda da göstərməkdədir. Bunu təsdiq edən bir çox məqamlar oktyabrın 8-də Moskvada keçirilmiş MDB Dövlət Başçıları Şurasının məhdud tərkibdə iclasında iştirak edən cənab Prezident İlham Əliyevin çıxışında öz əksini aydın şəkildə tapmışdır”.
