Su səviyyəsinin düşməsi nəticəsində Xəzər dənizində yeni adalar aşkar edilib. Dağıstan alimləri yeni ərazilərdə bitkilər və quşlar müşahidə ediblər.
Oxu.Az bu barədə TASS-a istinadən xəbər verir.
"Xəzər dənizinin səviyyəsinin düşməsi səbəbindən xüsusi mühafizə olunan ərazilərdə və onlara bitişik akvatoriyalarda böyük dəyişikliklər qeydə alınıb. Aqraxan körfəzi, demək olar ki, mövcudluğunu dayandırıb, ondan yalnız şimal hissədə dayaz sular qalıb. Çeçen adası və onun cənubunda yerləşən adalar Aqraxan yarımadası ilə birləşib. Xəzərin şimal-qərb hissəsində yeni adalar əmələ gəlib ki, burada qamış və yulğun kolları, qağayı koloniyaları yaranır. Alimlərımiz yeni adalarda flora və faunanın formalaşması proseslərini müşahidə etmək üçün unikal imkan əldə ediblər", - deyə "Dağıstan" Dövlət Təbiət Biosfer Qoruğunun (Rusiya) direktoru Kurban Kuniyev məlumat verib.
Onun sözlərinə görə, dənizdə su səviyyəsinin azalması səbəbindən "Kizlyar körfəzi" sahəsi də, demək olar ki, dəniz akvatoriyasını tamamilə itirib.
"Hazırda o, dövri olaraq dəniz suyunun basdığı bataqlıq və bataqlıqətrafı çəmənliklərdən ibarətdir", - deyə Kuniyev əlavə edib.
“Azərbaycan Dəmir Yolları” QSC (ADY) qarşıdan gələn bayram günlərində sərnişin tələbatını təmin etmək məqsədilə yanvarın 3-də Bakıdan Qəbələyə və Qəbələdən Bakıya əlavə qatar reysləri təyin edir.
Bu ilin yanvar-noyabr aylarında xarici ölkələrə gedən Azərbaycan vətəndaşlarının ümumi sayı ötən ilin eyni dövrü ilə müqayisədə 16,9 % artaraq 1 milyon 998,9 min nəfər olub.
2026-cı ilin sonuna qədər 140 min vətəndaşımız azad edilmiş ərazilərdə məskunlaşacaq.
