Filippinin cənubunda yerləşən Bonqao şəhərinin yaşayış məhəlləsində baş vermiş irimiqyaslı yanğın nəticəsində minə yaxın ev yanıb.
Trend bu barədə xarici KİV-ə istinadən məlumat verir.
Məlumata görə, yanğın çərşənbə axşamı yerli vaxtla 22:00-dan sonra başlayıb və yalnız bu gün ysaat 02:00-da lokallaşdırılıb. Alovun sürətlə yayılmasına güclü külək səbəb olub.
Ehtimal olunan səbəbi qısaqapanma olan yanğın bir neçə piyada körpüsünə də ziyan vurub ki, bu da xilasedicilərin və yanğınsöndürənlərin işini çətinləşdirib. Rayon sakinləri təxliyə edilib. Həlak olanlar barədə məlumat yoxdur.
İndoneziyanın Ulee-Lheue limanında yan almış "Aceh Hebat" (AH) 2 gəmisinin mühərrik bölməsində baş verən partlayış nəticəsində 15 nəfər yaralanıb.
Yaponiyanın modernləşdirilmiş "H3" daşıyıcı raketi cümə günü səhər sınaq məqsədilə fəzaya buraxılıb.
