Yaponiyanın modernləşdirilmiş "H3" daşıyıcı raketi cümə günü səhər sınaq məqsədilə fəzaya buraxılıb.
Oxu.Az məlumatına görə, bu barədə Yaponiya Aerokosmik Tədqiqatlar Agentliyi (JAXA) xəbər yayıb.
Kosmik aparatın buraxılışı Taneqasima start kompleksindən Tokio vaxtı ilə 09:52-də (Bakı vaxtı ilə 04:52-də - red.) baş tutub.
Faydalı yük qismində raket Günəş-sinxron orbitinə "VEP-5" qabarit-çəki modelini, həmçinin Fransa və Yaponiyaya məxsus altı kiçik peyki çatdırmalıdır.
Sözügedən uçuş 22 dekabr 2025-ci ildə ikinci pillədəki nasazlıq səbəbindən baş verən qəzadan sonra bu raketin ilk buraxılışıdır. Həmin insident nəticəsində "Mitibiki-5" (QZS-5) naviqasiya peyki sıradan çıxmışdı.
Martda aerokosmik agentlik tərəfindən "H3" raketinin "H3-30" modifikasiyasında olan birinci pilləsinin atəş sınaqları icra edilib. Bu növün əvvəlkilərdən fərqi yan bərk yanacaq sürətləndiricilərinin yoxluğu və üç "LE-9" oksigen-hidrogen mühərrikinə malik olmasıdır.
Rusiyanın Kamçatka diyarının inzibati mərkəzi Petropavlovsk-Kamçatskidən cənub-şərqdə yerləşən akvatoriyada 5,5 bal gücündə zəlzələ qeydə alınıb.
Yaxın Şərqdə münaqişənin yenidən kəskinləşməsi fonunda neft bahalaşır.
Konqo Demokratik Respublikasında (KDR) Ebola qızdırmasına təsdiqlənmiş yoluxma halları 2 267-yə yüksəlib, onlardan 893-ü ölümlə nəticələnib.
