Çində ilk “5G” küçə fənəri quraşdırılıb

Çində ilk “5G” küçə fənəri quraşdırılıb
15 May 2019 10:12

Çinin mərkəzi Hubey əyalətinin paytaxtı Uxan şəhərində beşinci nəsil mobil rabitə şəbəkəsini (5G) dəstəkləyən ilk “ağıllı” küçə fənəri quraşdırılıb.

“ICTnews” Elektron Xəbər Xidməti “Regnum” resursuna istinadən yazır ki, ilk baxışdan adi fənəri xatırladan qurğunun daxilində kamera, maye-kristal ekran, işıq lampaları və “5G” baza stansiyası yerləşdirilib.

Məlumata görə, fənər baza radiostansiyası ilə yanaşı, “ağıllı” şəhərin əsasını təşkil edəcək “5G” şəbəkələri vasitəsilə istifadəyə imkan verən bir sıra “ağıllı” funksiyalara malikdir.

Belə küçə işıqlandırması perspektivdə yerli sakinlərə küçəni işıqlandırmaqla yanaşı, smartfonlar vasitəsilə yüksək keyfiyyətli video, eləcə də əlavə reallıq texnologiyalarından yararlanmağa imkan verəcək.

Çinin “China Mobile” mobil rabitə və telekommunikasiya şirkəti yerli hakimiyyətlə birgə bu ilin yanvarında Uxan şəhərinin Tsyanxan ərazisində pilot rejimdə “5G” rabitə sistemlərini istifadəyə verməyə başlayıb. Şəhərdə “5G” sistemlərinin kommersiya istifadəsinə verilməsinin oktyabrda başa çatacağı gözlənilir.

Bundan əlavə, Pekinin İçjuan texniki-iqtisadi zonasının 2019-cu ilin sonunadək “5G” şəbəkəsi ilə əhatə olunması nəzərdə tutulur.

Realpress.az



20 Sent 2019
İT

2020-ci ildə “5G”-smartfonların qlobal tədarükü 260 milyona yaxınlaşacaq

Tayvanın “Market Intelligence & Consulting Institute” şirkətinin analitiklərinin proqnozuna görə, 2020-ci ildə beşinci nəsil şəbəkələrini dəstəkləyən smartfonların tədarük həcmi 260 milyona yaxınlaşacaq. 2019-cu ildə “5G”-aparatların tədarük həcmi 11,4 milyon səviyyəsində gözlənilir.

20 Sent 2019
İT

“LTE” şəbəkələrinə qoşulmaların sayı 5 milyarda yaxınlaşıb

Bu ilin ikinci rübündə “LTE” şəbəkələrinə 250 milyona yaxın yeni qoşulma qeydə alınıb, onların ümumi sayı isə 4,7 milyarda çatıb. Bu barədə “Ovum” analitik şirkətinin sahə üzrə “5G Americas” Assosiasiyasına istinadən məlumatında deyilir.

20 Sent 2019
İT

Yapon alimləri ehtimala əsaslanan ilk kompüter təqdim ediblər

Yaponiyanın Toxoku və ABŞ-ın Perdyu universitetlərinin  mühəndisləri ehtimala əsaslanan kompüter sxemi üzrə işləyən ilk qurğu təqdim ediblər. Bu haqda “Science Daily” nəşri yazıb. 

20 Sent 2019
İT

"Əsrin müqaviləsi"nin 25 illiyinə həsr olunmuş poçt markaları dövriyyəyə buraxılıb

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərmarka” MMC “Əsrin müqaviləsi”nə həsr olunmuş poçt markalarını tədavülə buraxıb.

20 Sent 2019
İT

“Facebook” televizor vasitəsilə videoçat üçün qurğu təqdim edib

"Facebook" şirkəti televizordan "Messenger" və "WhatsApp" proqramları vasitəsilə videozənglər etməyə imkan verən "Portal TV" qurğusunu təqdim edib. Sözügedən qurğu səsli idarəetməni dəstəkləyir.