ABŞ-ın Alabama ştatının senatı abortun ştat səviyyəsində qadağan olunması ilə bağlı qanun qəbul edib.
Bu barədə BBC məlumat verir.
Hamiləliyin müdaxilə yolu ilə dayandırılmasının qadağan edilməsini 25 senator dəstəkləyib, altı nəfər isə əleyhinə çıxıb. Qanuna görə, zorlama və insest (yaxın ailə üzvləri ilə cinsi əlaqə) qurbanlarına belə uşağı düşürməyə icazə verilməyəcək.
Qadağanın qüvvəyə minməsi üçün sənəd respublikaçı qubernator Key Ayvi tərəfindən imzalanmalıdır. Ancaq mühafizəkar qubernator abortun qatı əleyhdarlarından olduğundan onun qadağanı təsdiqləyəcəyi gözlənilir.
Bu qərar yerli feministlərin ciddi narazılığına səbəb olub. Yaxın zamanda ştatda kütləvi etiraz aksiyalarının keçiriləcəyi istisna edilmir.
Almaniya Prezidenti Frank-Valter Ştaynmayer aprelin 22-24-də Türkiyəyə səfər edəcək.
Türkiyə Prezidenti Rəcəb Tayyib Ərdoğan aprelin 22-də İraqa rəsmi səfər edəcək.
