Tramp gülüş hədəfində: Biabırçı səhvə yol verdi

Tramp gülüş hədəfində: Biabırçı səhvə yol verdi
08 İyun 2019 11:37


ABŞ prezidenti Donald Tramp öz “Twitter” hesabında Ayı Mars planetinin bir hissəsi adlandırıb.

Amerikalı lider NASA-nı Aya uçuşlarla bağlı söhbətlərə son qoymağı və əsas diqqəti daha irimiqyaslı kosmik proqramlara, o cümlədən, Marsa səyahətə yönəltməyə çağırıb. Tramp yazıda Ayın “qırmızı planet”in bir hissəsi olduğunu qeyd edib.

Onun bu yazısı sosial şəbəkədə rişxənd obyektinə çevrilib.

“7 iyun 2019-cu il. Ayın Marsın bir hissəsinə çevrildiyi gün”, - deyə sosial şəbəkə istifadəçilərindən biri yazıb.

“Biz astronomiyanı mənim dördyaşlı oğlumdan pis bilən bir “gədə”ni prezident seçmişik”,- deyə başqası qeyd edib.

Bəzi istifadəçilər isə Trampa Ayla Marsın fərqini şəkillərlə izah etməyə çalışıb.