UŞAQLARDA ATOPİK DERMATİT

UŞAQLARDA ATOPİK DERMATİT
27 İyun 2019 17:33

UŞAQLARDA ATOPİK DERMATİT

UŞAQLARDA ATOPİK DERMATİT

Realpress.az Aptekonline.az-a istinadla bildirir ki, Valideynlərin əksəriyyəti atopik dermatiti (AD) ciddi problem kimi qəbul etmirlər, əmindirlər ki, uşaq böyüdükcə AD keçib gedəcək. Təəsüf ki, bu həmişə belə olmur, əksər hallarda AD özünü uşaqlıq dövründə biruzə verərək, böyük yaş dövründə də davam edir.

Atopik dermatit nədir?

Atopik dermatit (atopik ekzema) - orqanizmin allergik reaksiyalara irsi meyilliliyi ilə şərtlənən dərinin xroniki iltihabi xəstəliyidir. AD ilk olaraq uşaqlıq dövründə qeydə alınır. Xəstəlik dərinin ağır zədələnmələrinə gətirib çıxara bilər, uşağa böyük əzablar verə bilər.  

Atopik dermatitin yaranma səbəbləri.

AD-nin yaranmasına əsas səbəblərdən biri uşaqlarda qida allergiyasıdır. Bundan başqa tənəffüs yolları vasitəsilə orqanizmə daxil olan allergenlər də AD-yə səbəb ola bilər: ev tozu, akvarium balıqları üçün quru qida, hava təmizləyici aerozollar, insektisidlər, heyvanların tükü və dəri hissəcikləri. Əgər allergenlə əlaqə müntəzəm baş verirsə, onda dəri daha həssas və keçirici olur. Yuyucu tozlar, geyimdə üzərində qalan hissəciklər, geyim elementləri, sabun, bəzi parça növləri ilə əlaqə, uşağın təri və s. dərini qıcıqlandıra bilər, bu isə dəridə gedən iltihabı bir az da ağırlaşdırır. Həmçinin AD ilə zədələnmiş dəri qaşınır və uşaq dərini qaşımaqla infeksiyanın yoluxmasına gətirib çıxarır. Bu səbəbdən allergik iltihaba bakterial infeksiya da qoşula bilər. 

Atopik dermatitin əsas əlamətləri.

AD-nin ilkin əlamətləri uşaqlarda 2 yaşına qədər özünü göstərir. AD düzgün müalicə olunarsa, təxminən uşağın 5 yaşına qədər keçib gedir. Lakin AD-yə əhəmiyyət verilməzsə, onda xəstəlik daha ağır və xroniki formaya keçir, bütün həyatı boyunca insanı müşayiət edə bilər. AD-nin əsas simptomlarına aiddirlər: şiddətli qaşınma; dərinin daha nazik hissələrində qızartı, əsasən əl və ayaq büküşlərində, boyunda, dəri qatlarında; bir çox hallarda bədəndə səpgilər və üzdə irinli yaralar. Qeyd etmək lazımdır ki, ən iztirablı və təhlükəli simptom şiddətli qaşınmadır. Qaşınmanın təhlükəsi ondan ibarətdir ki, müntəzəm qaşınma zamanı dəridə mikroyaralar əmələ gəlir, bu zaman bakteriya və ya göbələklərlə asanlıqla yoluxma baş verir, bu da ikincili infeksiyalaşmaya səbəb olur. 

Atopik dermatitə qarşı profilaktik tədbirlər.  

Effektiv müalicənin vacib şərtlərindən biri də profilaktik tədbirlərin aparılmasıdır. İkincili profilaktika – xəstəliyin residivlərinin qarşısının alınmasına doğru yönəldilmiş tədbirlərdir. Bu zaman dəriyə qulluğun düzgün aparılması, geyimlərin təbii parçalardan olması, hipoallergen yuyucu vasitələrdən istifadə olunması, otaqlarda təmizliyin təmin edilməsi vacibdir.


1 May 2020
Səhiyyə - Sağlamlıq

Cəlal İsayev: “Ölkədə epidemioloji vəziyyət vətəndaşlardan asılıdır” - ŞƏRH

Bu günə qədər Azərbaycanda COVID-19-a 1804 təsdiq edilmiş yoluxma hadisəsi qeydə alınıb. Yoluxanlardan 24 nəfəri ölüb, 1325-i sağalıb, 455-i isə xüsusi rejimli xəstəxanalarda müalicəsini davam etdirir. Aprelin 27-dən etibarən ölkədə yumşaldılmış karantin rejimi qüvvədədir. Ancaq təəssüflə qeyd etmək lazımdır ki, bir çox vətəndaşlar həm küçədə, həm də ictimai nəqliyyatda maska və əlcəklərə məhəl qoymadan elementar təhlükəsizlik tədbirlərinə əməl etmir.

30 Apr 2020
Səhiyyə - Sağlamlıq

Azərbaycanda daha 58 nəfər koronavirusdan sağaldı - RƏSMİ

Azərbaycanda koronavirus infeksiyasına yoluxmuş 58 nəfər müalicə olunaraq sağalıb və evə buraxılıb. 

30 Apr 2020
Səhiyyə - Sağlamlıq

Azərbaycanda daha bir nəfər koronavirusdan öldü - 38 yeni yoluxma

Azərbaycanda 38 yeni koronavirus infeksiyasına yoluxma faktı qeydə alınıb.

30 Apr 2020
Səhiyyə - Sağlamlıq

Bəla sovuşmayıb: Azərbaycanda koronavirusun ikinci dalğası ola bilər

Mayın 4-də Azərbaycanda xüsusi karantin rejiminin yumşaldılması gözlənilir. Fəqət, bəzi vətəndaşlarımızda ifrat nikbinlik, gərəksiz rahatlıq hissi yaranıb və onlar düşünürlər ki, COVİD-19 koronavirus pandemiyası ilə bağlı təhlükə sovuşub.

30 Apr 2020
Səhiyyə - Sağlamlıq

Alimlər siçovulun onurğa beynindən və süni əzələlərdən biorobot yaratdılar - FOTO

ABŞ neyrofizioloqları siçovulların onurğa beyni ilə süni şəkildə böyüdülmüş əzələlərin bir parçasını birləşdirib, onları idarə etməyi öyrənərək “biorobot“un prototipini yaradıblar.