“QLED” televizorlarına tələbat artacaq

“QLED” televizorlarına tələbat artacaq
04 İyul 2019 16:25

Bu il televizorlar bazarında kvant pikselli (QLED TV) ekranlarla təchiz edilən modellərin satışında artım gözlənilir. “QLED” televizorlarına tələbatın artması ekran sahəsinin iştirakçılarına və elektronika istehsalçılarına müsbət təsir göstərəcək. “KB Securities” şirkətinin mütəxəssisləri belə düşünür.
 
“ICTnews” Elektron Xəbər Xidməti “DailyComm www.dailycomm.ru” resursuna istinadən yazır ki, şirkətin analitiki Kim Donq-vonun proqnozuna görə, bu il “QLED” televizorlarının tədarükü əvvəl nəzərdə tutulduğundan yüksək olacaq. Onun qiymətləndirməsinə görə, 2019-cu ildə dünya bazarına təxminən 5,1 milyon “QLED” televizor çıxarılacaq ki, bu da ötənilki göstəricidən 88 faiz çoxdur.
 
Bundan başqa, “QLED TV” tədarük həcminə görə “OLED” modelləri xeyli üstələyəcək: “OLED” televizorların tədarükü 3,4 milyon ədəd səviyyəsində proqnozlaşdırılır. Həmçinin qeyd olunur ki, “QLED” televizorları 2018-ci ilin üçüncü rübündən rəqib “OLED” ekranlı qurğuları geridə qoyur.
 
Analitikin sözlərinə görə, “QLED” televizorlarının satışı bu qurğuların geniş çeşidini təmin edən və qiymətləri ucuzlaşdırmaqla onlara tələbatı stimullaşdıran “Samsung Electronics” şirkəti sayəsində artır.
 
Kim Donq-vonun fikrincə, “QLED” televizorlarının populyarlığı “Samsung Display”, “Samsung SDI” şirkətlərinə və “Hansol Chemical” və “Hansol Technics” kimi elektronika komponentləri istehsalçılarının maliyyə göstəricilərini yaxşılaşdırmağa imkan verəcək.
 
Qeyd edək ki, “QLED” əvvəllər “Quantum Dot” adlanan “Samsung” televizor istehsalı xəttinin adıdır. Bu abreviatura “OLED” – üzvi işıq diodlar texnologiyasına uyğun yaradılıb.
 
“Samsung” şirkəti tərəfindən kvant piksellər texnologiyası (QD) əsasında hazırlanan ekranlar ənənəvi maye-kristal (LCD) panellərdən yüksək kontrastlığı, az enerji sərf etməsi və rəngləri daha yaxşı ötürməsi ilə seçilir. İstehsalçı nümayəndələrinin sözlərinə görə, tərkibində kadmium olmayan ekoloji baxımdan təmiz materiallar texnologiyasından istifadə olunur.

Realpress.az


12 Dek 2019
Maraqlı

Bu xəstəliklərin ilkin əlamətləri dırnaqlardan başlayır — SİYAHI

Dırnaqlarınız ciddi xəstəliklərdən və yaxud sağlamlıq problemləriniz haqqında önəmli siqnallar verir. Odur ki, dırnaqlarda əyriliyə, qırıqlara, girinti və çıxıntılara baxın. Əgər dırnaqlarınız tez qırılarsa, qalınlığını yoxlayın. Dırnağın, altındakı və ətrafındakı dərinin rənginə də baxın. Çünki ağciyərdən ürəyə, hepatitdən bağırsaq xəstəliklərinə, hətta QİÇS-ə qədər bir çox xəstəliyin ikin əlamətləri özünü dırnaqlarda göstərir.

12 Dek 2019
Maraqlı

Tez-tez ağlamaq istəyi... - Xanımların DİQQƏTİNƏ!

Qadınlarda davamlı ağlama istəyi menopauzanın əlaməti ola bilər.

12 Dek 2019
Maraqlı

Azərbaycanlılar "google"da ən çox bu sözləri axtarır — SİYAHI

Azərbaycanda "google" axtarış sistemi vasitəsi ilə ən çox axtarılan sözlər məlum olub.

12 Dek 2019
Maraqlı

Litvanın hava limanında müsadirə olunan əşyalardan yolka düzəltdilər – VİDEO

Litvanın hava limanında müsadirə olunan əşyalardan yolka düzəltdilər – VİDEO

11 Dek 2019
Maraqlı

Yer üçün təhlükəli asteroidin sirli fəaliyyətinin səbəbi bilindi

ABŞ-da Arizona Universitetinin alimləri Yer üçün potensial təhlükəli "Bennu" asteroidinin sirli fəaliyyətinin səbəbini tapıblar.