“Bitcoin” kriptovalyutasının mayninqinə İsveçrədən çox, Çexiyadan bir qədər az elektrik enerjisi sərf edilir. Bu haqda Kembric Universitetinin onlayn-xidmətinə istinadən “BBC” yazıb.
“ICTnews” Elektron Xəbər Xidməti “belta.by” saytına istinadən yazır ki, yeni xidmətin qiymətləndirməsinə görə, İsveçrə ildə təxminən 58,46 teravatt-saat elektrik enerjisi sərf edir, halbuki “Bitcoin” kriptovalyutasının mayninqinə 58,93 teravatt-saat tələb olunur. Bu məlumat onu göstərir ki, dünya elektrik enerjisinin 0,21%-i elektron valyutanın mayninqinə sərf olunur.
Ekspertlər belə hesab edirlər ki, elektrik enerjisinin səmərəsiz istifadəsi hər il dünyada istifadə edilən tranzaksiyaların sayına görə effektiv deyil. Məsələn, “Bitcoin” vasitəsilə ildə yalnız 100 milyon maliyyə tranzaksiyası həyata keçirilir, halbuki ənənəvi maliyyə sahəsində bu göstərici 500 milyarddan çoxdur.
Realpress.az
Günəşdəki güclü partlayışlar Yerdə gözlənilməz maqnit qasırğasına səbəb olub.
Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.
Günəşdə ən yüksək “X” sinfinə aid partlayış baş verib.
