“Windows” sistemində yeni “sıfır gün” boşluğu aşkar edilib

“Windows” sistemində yeni “sıfır gün” boşluğu aşkar edilib
12 İyul 2019 10:22

“Eset” antivirus istehsalçısı “Windows” sistemində yeni boşluq aşkar edib.
 
“ICTnews” Elektron Xəbər Xidməti “dailycomm.ru” saytına istinadən yazır ki, “CVE-2019-1132” adlandırılmış “sıfır gün” boşluğu  “win32k.sys” komponentindəki imtiyazların lokal səviyyədə artırılmasını həyata keçirir. Eksploitin quraşdırılmasından sonra cinayətkarlar qurbanın kompüteri üzərində tam nəzarəti ələ keçirmək imkanı əldə edirlər.
 
Aşağıdakı əməliyyat sistemləri sözügedən boşluğa qarşı dayanıqsızdır: “Windows 7” (x32); “Windows 7” (x64); “Windows Server 2008” (x32); “Windows Server 2008” (x64); “Windows Server 2008 R2”; “Windows Server 2008 R2” (x64).
 
“Windows 8” və sonrakı versiyalarda belə hücumlara qarşı müdafiə mexanizmləri nəzərdə tutulub.
 
“Eset” şirkətinin ekspertləri bu boşluq haqqında “Microsoft” korporasiyasına məlumat veriblər və şirkət xüsusi yeniləmə çıxararaq problemi aradan qaldırıb.
 
2019-cu il iyulun 9-da “Microsoft” öz proqram məhsulları üçün aylıq yeniləməsini təqdim edib. Bu dəfə 77 boşluq aradan qaldırılıb.

Realpress.az


15 Noy 2019
İT

Avtomatlaşdırma nəticəsində 2035-ci ilədək 800 milyon iş yeri azalacaq

“Bank of America Merrill Lynch”un analitikləri iddia edirlər ki, iş yerlərinin azalması prosesi yalnız sürətlənəcək. Çin və ABŞ arasında ticarət müharibəsi əsas siyasi stimullardan biri hesab olunur.  

15 Noy 2019
İT

“Wikipedia”nın yaradıcısı “Facebook” şəbəkəsinə rəqib platforma istifadəyə verib

"Wikipedia" xidmətinin həmtəsisçisi Cimmi Uels "Facebook" və "Twitter"ə potensial rəqib olacaq "WT:Social" sosial şəbəkəsini istifadəyə verib. Bu sosial şəbəkə reklamsız işləyəcək, xidmətin fəaliyyəti maddi yardımlar vasitəsilə həyata keçiriləcək. Bu haqda "Financial Times" yazıb.  

15 Noy 2019
İT

Nəqliyyat, Rabitə və Yüksək Texnologiyalar Nazirliyinin rəhbərliyi növbəti vətəndaş qəbulları keçirib

Mərkəzi icra hakimiyyəti orqanlarının, digər qurumların rəhbərlərinin və onların müavinlərinin şəhər və rayonlarda 2019-cu ilin noyabr ayında vətəndaşları qəbulu cədvəlinə uyğun olaraq, bu gün Nəqliyyat, Rabitə və Yüksək Texnologiyalar naziri Ramin Quluzadə Lənkəran şəhərində, nazirin birinci müavini Əli Abdullayev Astara rayonunda vətəndaşlarla görüşüb.

15 Noy 2019
İT

Batareyasız və elektrodsuz işləyən “ağıllı” dəri hazırlanıb

Səudiyyə Ərəbistanında Kral Abdulla adına Elm və Texnologiyalar Universitetinin mühəndisləri tərəfindən hazırlanmış “ağıllı” dəri datçik və batareyasız işləyir. Sözügedən dəri sahibinin sağlamlığı haqqında məlumat toplamaq üçün yalnız maqnit sahəsindəki dəyişikliklərdən istifadə edir. Tədqiqat “Advanced Materials Technologies” jurnalında dərc edilib.  

15 Noy 2019
İT

ABŞ məhkəməsi sərhəddə elektron qurğuların səbəbsiz yoxlanılmasını qadağan edib

Boston Federal Məhkəməsi ABŞ hüquq-mühafizə orqanlarının əməkdaşlarının ölkə sərhədini keçən şəxslərin elektron qurğularını tutarlı səbəb olmadan yoxlamaq hüququna malik olmaması ilə bağlı qərar çıxarıb.