Nəhəng teleskopun inşasına başlanılır

Nəhəng teleskopun inşasına başlanılır
12 İyul 2019 10:42

İyulun 15-də Havay adalarında 30 metrlik teleskopun (Thirty Meter Telescope, TMT) tikintisinə başlanılacaq. Bu barədə yerli administrasiyanın məlumatında deyilir.
 
“ICTnews” Elektron Xəbər Xidməti “3DNews www.3dnews.ru” resursuna istinadən yazır ki, “TMT” 30 metrlik güzgü seqmentinə malik iri astronomik rəsədxana layihəsidir. Layihə böyük səs-küyə səbəb olub. Məsələ ondadır ki, kompleks Havay mifologiyasında müqəddəs hesab edilən Havay adasının Mauna-Kea dağında tikilməlidir. Tikintinin əleyhdarlarının sözlərinə görə, rəsədxananın yaradılması müqəddəs dağı təhqir edəcək.
 
“ТМТ” teleskopunun inşası əvvəlcə 2011-ci ildə təsdiq edilib, ilk işlərə isə 2014-cü ilin oktyabrında başlanılıb. Lakin 2015-ci ilin yazında layihə əleyhdarları onun icrasının dayandırılmasına nail olublar. Bu dəfə isə rəsədxananın faktiki yaradılmasının bir neçə günə bərpa ediləcəyi bildirilir.
 
Məlumata görə, teleskopun güzgüsü ümumi sahəsi 655 kvadratmetr təşkil etməklə hər biri 1,4 metr olan 492 altıbucaqlı seqmentdən ibarət olacaq. İlk elmi müşahidələrə növbəti onilliyin ikinci yarısında başlamaq planlaşdırılır. Rəsədxananın planlaşdırılan istismar müddəti 50 il təşkil edir.
 
Perspektivdə 30 metrlik teleskop kainatın müxtəlif obyekt və strukturları haqqında vacib məlumatlar toplamağa imkan verəcək. “Hubble Space Telescope” teleskopu ilə müqayisədə yeni rəsədxana vasitəsilə əldə ediləcək təsvirlər təxminən 10-12 dəfə dəqiq olacaq.

Realpress.az


15 Noy 2019
İT

Avtomatlaşdırma nəticəsində 2035-ci ilədək 800 milyon iş yeri azalacaq

“Bank of America Merrill Lynch”un analitikləri iddia edirlər ki, iş yerlərinin azalması prosesi yalnız sürətlənəcək. Çin və ABŞ arasında ticarət müharibəsi əsas siyasi stimullardan biri hesab olunur.  

15 Noy 2019
İT

“Wikipedia”nın yaradıcısı “Facebook” şəbəkəsinə rəqib platforma istifadəyə verib

"Wikipedia" xidmətinin həmtəsisçisi Cimmi Uels "Facebook" və "Twitter"ə potensial rəqib olacaq "WT:Social" sosial şəbəkəsini istifadəyə verib. Bu sosial şəbəkə reklamsız işləyəcək, xidmətin fəaliyyəti maddi yardımlar vasitəsilə həyata keçiriləcək. Bu haqda "Financial Times" yazıb.  

15 Noy 2019
İT

Nəqliyyat, Rabitə və Yüksək Texnologiyalar Nazirliyinin rəhbərliyi növbəti vətəndaş qəbulları keçirib

Mərkəzi icra hakimiyyəti orqanlarının, digər qurumların rəhbərlərinin və onların müavinlərinin şəhər və rayonlarda 2019-cu ilin noyabr ayında vətəndaşları qəbulu cədvəlinə uyğun olaraq, bu gün Nəqliyyat, Rabitə və Yüksək Texnologiyalar naziri Ramin Quluzadə Lənkəran şəhərində, nazirin birinci müavini Əli Abdullayev Astara rayonunda vətəndaşlarla görüşüb.

15 Noy 2019
İT

Batareyasız və elektrodsuz işləyən “ağıllı” dəri hazırlanıb

Səudiyyə Ərəbistanında Kral Abdulla adına Elm və Texnologiyalar Universitetinin mühəndisləri tərəfindən hazırlanmış “ağıllı” dəri datçik və batareyasız işləyir. Sözügedən dəri sahibinin sağlamlığı haqqında məlumat toplamaq üçün yalnız maqnit sahəsindəki dəyişikliklərdən istifadə edir. Tədqiqat “Advanced Materials Technologies” jurnalında dərc edilib.  

15 Noy 2019
İT

ABŞ məhkəməsi sərhəddə elektron qurğuların səbəbsiz yoxlanılmasını qadağan edib

Boston Federal Məhkəməsi ABŞ hüquq-mühafizə orqanlarının əməkdaşlarının ölkə sərhədini keçən şəxslərin elektron qurğularını tutarlı səbəb olmadan yoxlamaq hüququna malik olmaması ilə bağlı qərar çıxarıb.