Məlum olduğu kimi, 21-27 iyul tarixlərində Azərbaycanda daha bir mötəbər yarış – Avropa Gənclər Olimpiya Festivalı (EYOF) keçiriləcək.
Realpress.az xəbər verir ki, XV dəfə baş tutacaq bu yarışda 14-18 yaşlı idmançılar iştirak edəcək.
Komandalar 10 idman növü üzrə mübarizə aparacaq. Bu yarışlar bədii gimnastika, atletika, basketbol, velosiped idmanı, həndbol, cüdo, üzgüçülük, tennis, voleybol və güləş üzrə keçiriləcək.
Bakıdakı yarışda 132 medal dəsti sahibini tapacaq. Belə ki, bədii gimnastikada 14, atletikada 37, basketbolda iki, velosipeddə dörd, həndbolda iki, cüdoda 18, üzgüçülükdə 31, tennisdə dörd, voleybolda iki və güləşdə 18 qızıl medal veriləcək.
Yarış 12 idman obyektində keçiriləcək. Avropa Gənclər Olimpiya Festivalının açılış mərasimi iyulun 21-də saat 20:00-da gerçəkləşəcək. Bağlanış mərasimi isə 27 iyul saat 20:00-da başlayacaq. Hər iki mərasimin məkanı Kristal Zaldır.
Azərbaycanın idman gimnastı Nikita Simonov İtaliyanın Rimini şəhərində keçirilən Dünya Kubokunda final mərhələsinə vəsiqə qazanıb.
Bu gün Azərbaycanın 7 cüdoçusu Xorvatiyanın paytaxtı Zaqrebdə start götürəcək Avropa çempionatında mübarizəyə başlayacaq.
Azərbaycan bədii gimnastları Özbəkistanın paytaxtı Daşkənddə keçiriləcək Dünya kubokunda iştirak edəcəklər.
