Qazanaoxşar dron yaradılıb-Video

Qazanaoxşar dron yaradılıb-Video
19 İyul 2019 16:21

Lozanna Federal Politexnik Məktəbinin (EPFL) mühəndisləri uçuş müddəti artırılan "Flybotix" adlı pilotsuz uçan aparat yaradıblar. İkimotorlu dron adi modellərlə müqayisədə iki dəfə çox məsafə qət edə bilir.

 

"ICTnews" Elektron Xəbər Xidməti "TASS" resursuna istinadən yazır ki, pilotsuz uçan aparatın güc qurğusuna xüsusi diqqət yetirən mütəxəssislər silindrik korpusa iki propelleri bir-birinin üstündə yerləşdiriblər. Bunun sayəsində aparat aerodinamik vertolyot keyfiyyətləri və mexaniki multikopter stabilliyi ilə təchiz olunub.

 

Həmçinin konstruktorlar modelin eyniölçülü multikopterdən iki dəfə az enerji sərf edən enerji təchizatı sistemi üzərində çalışıblar.

 

Bildirilir ki, "Flybotix" aparatı xarici görünüşünə görə uçan qazanı xatırladır. Pilotsuz uçan aparatın uçuş müddəti onun ölçüsündən asılıdır. Belə ki, aparatın ölçüsü nə qədər az olsa, bir o qədər uçuş müddəti uzun çəkir.

 

Qurğunun korpusu maneələrə toxunan zaman zədələnmələrin qarşısını alan möhkəm penomaterialla örtülüb.

 

Yeni pilotsuz uçan aparatdan mürəkkəb tipli sənaye obyektlərinin, məsələn, tunellərin vəziyyətinə videonəzarət üçün istifadə təklif edilir.

Realpress.az


13 Dek 2019
İT

“Apple” şəkillərin keyfiyyətini yüksəltmək üçün startapı satın alıb

ABŞ-ın “Apple” korporasiyası Britaniyanın “Spectral Edge” startapını satın alıb. Startap tərəfindən hazırlanmış texnologiya ABŞ şirkətinin smartfonları ilə çəkilən şəkillərin keyfiyyətini yüksəltməyə imkan verəcək.

13 Dek 2019
İT

Gələcəyin əsas internet təhdidləri açıqlanıb

Kibertəhlükəsizlik sahəsində işləyən mütəxəssislər 2020-ci ildə istifadəçiləri kiberməkanda gözləyən təhdidlərin əsas kateqoriyalarını açıqlayıblar. Bu haqda “Avast” şirkətinin mətbuat xidmətindən məlumat verilib.

13 Dek 2019
İT

“Panasonic” Yaponiyada rəqəmli "Belosnejka güzgüsü" quraşdırıb

Yaponiyanın “Panasonic” şirkəti tərəfindən “KOSE” kosmetika mağazasında quraşdırılmış "ağıllı" güzgü ziyarətçilərə dəriyə qulluq üzrə fərdiləşdirilmiş tövsiyələr verir. Güzgünün daxilinə insanın üzünü skan edən, nəticə və tövsiyələri güzgünün səthinə çıxaran sensorlar quraşdırılıb.  

13 Dek 2019
İT

“Windows 7” sistemində antivirusun yenilənməsi dayandırılacaq

“Microsoft” korporasiyası 14 yanvar 2020-ci il tarixində “Windows 7” əməliyyat sisteminin idarəetməsi ilə işləyən fərdi kompüterlər üçün təhlükəsizlik yeniləmələrinin göndərilməsini, eləcə də “Windows 7” sisteminə quraşdırılan pulsuz “Security Essentials” (MSE) antivirusunun dəstəklənməsini dayandıracaq.

13 Dek 2019
İT

Başqasının “iPhone” modelini bloklayan üsul aşkarlanıb

"iPhone" smartfonları üçün "AirDrop" funksiyasında qurğunu uzun müddət bloklamağa imkan verən boşluq aşkarlanıb. Səhv kibertəhlükəsizlik sahəsində ekspert Kişan Baqariyanın bloqunda təsvir edilib.