“Türkiye Demiryolu Makinaları Sanayi A.Ş.” (TÜDEMSAŞ) Azərbaycanın sifarişi üzrə iki ədəd yük vaqonunun prototipini hazırlayıb.
Türkiyə mətbuatının yaydığı xəbərə görə, bununla bağlı şirkətin baş direktoru Mehmet Başoğlu açıqlama verib.
O bildirib ki, vaqonların sınaqları uğurla başa çatıb:
“Türkiyə ilə Azərbaycan arasında Bakı-Tbilisi-Qars dəmiryolu xəttində başlanan yük daşıması ilə gündəmə gələn birgə vaqon istehsalının detalları ortaya çıxıb. Vaqon ehtiyacını Rusiyadan qarşılayan Azərbaycan Türkiyə şirkətləri ilə birgə istehsal üçün hərəkət keçib.
Bu çərçivədə adıçəkilən şirkət isə 1939-cu ildə Sivasda yük vaqonu istehsalı üzrə qurulan TÜDEMSAŞ olub. Azərbaycanın sifariş etdiyi 600 vaqonun ümumi dəyəri 36 milyon dollardır.
Azərbaycanın dəmiryolu və tunel ölçüləri bizimkilərdən fərqlidir. Mövcud olan istehsalımız onların relslərinə uyğun gəlmir. İki ədəd yük vaqonunun prototipini hazırlayıb, uğurla sınaqdan keçirdik”.
Həmin vaqonların Bakı-Tbilisi-Qars dəmiryolu xəttində işləyəcəyi nəzərdə tutulur.
Realpress.az
İqtisadiyyat naziri Mikayıl Cabbarov Yurgen Riqterink ilə görüşüb.
Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.
“Azərbaycanda vergi güzəştlərinin hazırlanması metodologiyası üzərində iş gedir”.
Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.