Paşinyan Sarqsyanın sirlərini açır: Azərbaycan üçün ipucları - RƏY

Paşinyan Sarqsyanın sirlərini açır: Azərbaycan üçün ipucları - RƏY
05 Avq 2019 12:12


Nikol Paşinyan Ermənistanda heç bir sirr qoymadı. Serj Sarqsyanın hakimiyyəti dövründə 2016-cı ilin Aprel döyüşləri haqqında danışmırdılar, bu mövzuya qeyri-rəsmi qadağa var idi. N.Paşinyan isə Ermənistanda inqilab yolu ilə hakimiyyətə gələr-gəlməz ordudakı korrupsiyadan danışmağa başladı.

Realpress.az xəbər verir ki, bu fikirləri politoloq Elxan Şahinoğlu bildirib.

Onun sözlərinə görə, Ermənistanın Baş naziri bunun ardınca parlamentdə Aprel döyüşlərini tədqiq etmək məqsədilə komissiyanın yaradılmasını təklif etdi.

Politoloqun fikrincə, əslində N.Paşinyan bu təklifi ilə aprelin Ermənistan üçün ağır nəticələrinə işarə edirdi:

“Daha sonra Paşinyana yaxın deputatlardan biri Aprel döyüşlərində Ermənistanın itkilərinin 500-ü aşdığını vurğuladı. Halbuki itkilər mövzusu da Ermənistanda tabu idi”.

E.Şahinoğlu xatırladıb ki, N.Paşinyan növbəti sirrin üstünü açıb:

“Sən demə, 2014-cü ildə Ermənistan hakimiyyəti üçün hazırlanan gizli hesabatda ölkədəki dövlət strukturlarının faciəvi durumda olduğu bildirilirdi. Əgər Serj Sarqsyan bu hesabatı gizli saxlayırdısa, Nikol Paşinyan gizliliyə ehtiyac duymadı. Yazdığı statusda məsələnin üstünü bu şəkildə açıb: “Hesabatı oxuyanda bu nəticəyə gəlirsən ki, Ermənistanda heç bir problemi həll etmək mümkün deyil. Dövlət strukturları iflic vəziyyətdədir və bunda keçmiş hakimiyyət günahkardır. Dövlətimiz uğursuzluğa düçar olub”.

Politoloq vurğulayıb ki, N.Paşinyan durumun ağırlığı haqqında fikirlərini davam etdirərək ölkədə insanların problemlərini həll edəcək strukturların qalmadığını etiraf edib:

“Paşinyanın fikirlərini tamamlayan bir başqa acı etiraf da diqqət çəkir: “Hakimiyyətə gələndə elə bilirdim ki, heç olmasa, işləyə bilən qurumlarımız var. Ancaq işin gedişatında anladım ki, yanılmışam, vəziyyət acınacaqlıdır. Biz dövlət institutlarını sıfırdan yaratmağa başlamalıyıq”.

Bəs Nikol Paşinyan bu hesabatı niyə indi faş edir?

E.Şahinoğlu məsələni belə şərh edib: “Görünür, Nikol Paşinyan keçmiş hakimiyyətin yarıtmaz fəaliyyətindən irəli gələrək vəziyyətin acınacaqlı olduğunu ona görə indi cəmiyyətə anladır ki, vətəndaşlar ondan yaxın zamanda problemlərin həllini gözləməsinlər. Paşinyan onu da izah etməyə çalışır ki, əlindəki resurslar islahatları sürətləndirməyə və müsbət nəticə əldə etməyə imkan vermir”.

O qeyd edib ki, N.Paşinyanın bu etirafları Azərbaycan üçün müəyyən ipucları verir.

“Ermənistanın dövlət strukturlarının acınacaqlı durumuna baxmayaraq, ermənilərin öz düşüncələrində yeganə uğurları Azərbaycan torpaqlarını işğal altında saxlamalarıdır. Ancaq bu da onlara baha başa gəlir: işğal həm böyük maliyyə, həm də insan itkisi tələb edir. Elə Paşinyanın dili ilə desək, Ermənistan dövlətinin uğursuzluğa düçar olmasının başlıca səbəbi işğalla əlaqəlidir. İndi bunu Paşinyana daha geniş şəkildə anlatmaq lazımdır: bu izahın siyasi, iqtisadi və hərbi yolları var”.


17 Okt 2019
Siyasət

Köhnə təfəkkürlü, müasir zamanla ayaqlaşmayan məmurlar vəzifələrinə “əlvida” deyəcək - ŞƏRH

Köhnə təfəkkürlü, müasir zamanla ayaqlaşmayan məmurlar vəzifələrinə “əlvida” deyəcək - ŞƏRH

17 Okt 2019
Siyasət

İlham Əliyev Minsk qrupunun həmsədrləri ilə görüşdü

İlham Əliyev Minsk qrupunun həmsədrləri ilə görüşdü

17 Okt 2019
Siyasət

“Şişirdilmiş rəqəmlər versələr, öz cəzalarını alacaqlar” — İlham Əliyevdən dövlət qurumlarına XƏBƏRDARLIQ

“Gələn ilin büdcəsi ilə əlaqədar tapşırıqlar verildi. Hökumət üzvləri artıq neçə vaxtdır ki, işləyirlər. Deməliyəm ki, gələn ilin büdcəsi həm sosialyönümlü, həm də investisiyayönümlü olmalıdır. Biz gələn il də ciddi sosial proqramlar icra edəcəyik, əhalinin yaşayış səviyyəsini yaxşılaşdırmaq üçün önəmli addımlar atılacaq, infrastruktur layihələrinin icrası ilə əlaqədar kifayət qədər vəsaitimiz olmalıdır”.

16 Okt 2019
Siyasət

YAP Binəqədi rayon təşkilatında “Qarabağ Azərbaycandır və nida işarəsi” adlı tədbir keçirildi - FOTO

5 oktyabr 2019-cu il tarixdə Yeni Azərbaycan Partiyası Binəqədi rayon təşkilatının inzibati binasında Binəqədi Rayon İcra Hakimiyyəti, Yeni Azərbaycan Partiyası Binəqədi və Xətai rayon təşkilatlarının birgə təşkilatçılığı ilə YAP fəallarının, Binəqədi və Xətai rayonlarının ictimaiyyətinin nümayəndələrinin, Qarabağ qazilərinin, həqiqi hərbi xidmətdə olan zabit və əsgərlərin, gənclərin iştirakı ilə "Qarabağ Azərbaycandır və nida işarəsi” adlı tədbir keçirilib.