“DDoS” hücumlarının sayında artım qeydə alınıb

“DDoS” hücumlarının sayında artım qeydə alınıb
06 Avq 2019 17:57

Bu ilin ikinci rübündə dünyada “DDoS” hücumlarının sayı 2018-ci ilin müvafiq dövrü ilə müqayisədə 18 faiz artıb. Rüblük hesablamada isə hakerlərin aktivliyi 44 faiz azalıb ki, bu da mövsümi amillə əlaqədardır – yazın sonunda və yayın əvvəlində hücumların sayı azalmağa başlayır. Bu barədə “Kasperski laboratoriyası” antivirus şirkətinin məlumatında deyilir.

 

“ICTnews” Elektron Xəbər Xidməti “DailyComm” resursuna istinadən yazır ki, ekspertlərin qiymətləndirməsinə görə, texniki baxımdan mürəkkəb hücumların payı 3,1 dəfə artaraq belə kibertəhdidlərin ümumi sayında 46 faiz təşkil edib.

 

Bundan başqa, 2019-cu ilin aprel-iyununda 509 saat davam edən “DDoS” hücumu qeydə alınıb. Bu, yeni rekorddur: əvvəllər bu rəqəm 329 saat olub. Ümumilikdə isə uzun müddət davam edən hücumların payı ilin əvvəlinə nisbətdə azalıb.

 

“DDoS” hücumlarından qorunmaq üçün “Kasperski laboratoriyası” korporativ veb saytlar və İT resurslarının çoxsaylı trafik emal etmək iqtidarında olmasını yoxlamağı, eləcə də xüsusi mühafizə vasitələrindən istifadəni tövsiyə edir.

Realpress.az

13 Dek 2019
İT

“Apple” şəkillərin keyfiyyətini yüksəltmək üçün startapı satın alıb

ABŞ-ın “Apple” korporasiyası Britaniyanın “Spectral Edge” startapını satın alıb. Startap tərəfindən hazırlanmış texnologiya ABŞ şirkətinin smartfonları ilə çəkilən şəkillərin keyfiyyətini yüksəltməyə imkan verəcək.

13 Dek 2019
İT

Gələcəyin əsas internet təhdidləri açıqlanıb

Kibertəhlükəsizlik sahəsində işləyən mütəxəssislər 2020-ci ildə istifadəçiləri kiberməkanda gözləyən təhdidlərin əsas kateqoriyalarını açıqlayıblar. Bu haqda “Avast” şirkətinin mətbuat xidmətindən məlumat verilib.

13 Dek 2019
İT

“Panasonic” Yaponiyada rəqəmli "Belosnejka güzgüsü" quraşdırıb

Yaponiyanın “Panasonic” şirkəti tərəfindən “KOSE” kosmetika mağazasında quraşdırılmış "ağıllı" güzgü ziyarətçilərə dəriyə qulluq üzrə fərdiləşdirilmiş tövsiyələr verir. Güzgünün daxilinə insanın üzünü skan edən, nəticə və tövsiyələri güzgünün səthinə çıxaran sensorlar quraşdırılıb.  

13 Dek 2019
İT

“Windows 7” sistemində antivirusun yenilənməsi dayandırılacaq

“Microsoft” korporasiyası 14 yanvar 2020-ci il tarixində “Windows 7” əməliyyat sisteminin idarəetməsi ilə işləyən fərdi kompüterlər üçün təhlükəsizlik yeniləmələrinin göndərilməsini, eləcə də “Windows 7” sisteminə quraşdırılan pulsuz “Security Essentials” (MSE) antivirusunun dəstəklənməsini dayandıracaq.

13 Dek 2019
İT

Başqasının “iPhone” modelini bloklayan üsul aşkarlanıb

"iPhone" smartfonları üçün "AirDrop" funksiyasında qurğunu uzun müddət bloklamağa imkan verən boşluq aşkarlanıb. Səhv kibertəhlükəsizlik sahəsində ekspert Kişan Baqariyanın bloqunda təsvir edilib.