Dünən Azərbaycanın əfsanəvi müğənnisi Akif İslamzadənin doğum günü idi.
Realpress.az bildirir ki, sənətkar doğum günündə ölkə.az-ın bir neçə sualını cavablandırıb.
- Akif bəy, 71 yaşın əhval-ruhiyyəsi necədir?
-Yetmiş yaşa qədər ölüm haqqında demək olar ki, düşünmürsən. Bəlkə, yaşdan-yaşa, yaxud hansısa hadisə baş verəndə ölüm yadına düşür. Amma yetmişdən sonra elə gün yoxdur ki, ölüm haqqında düşünməyəsən. Bu ona görədir ki, insan haqdan gələndən qorxmamalıdır.
- Belə anladım ki, son bir ildə bu haqda hər gün düşünürsüz...
- Əlbəttə, hər gün ölüm haqqında düşünürəm. Bu, düşünən beyinə aiddir. Düşünməyən beyin ölüm haqqında düşünəndə başı ağrıyır. Elə insan yüz yaşında da beş yaşında uşaq kimi şeydir. Nəysə...
- İlk təbriki kimdən aldınız?
- İlk təbriki ailəmdən, övladımdan aldım.
- Elə bir insan varmı ki, ondan təbrik umursunuz?
- Heç kimdən heç nə ummuram. Zəng edən də, mesaj göndərən də, göndərməyən də sağ olsun.
- Yəqin ki, məlumatlısınız, bu gün daha bir böyük sənətkarın doğum günüdür. Eyni gündə, eyni ildə anadan olmusunuz.
- Bilirəm, Rasim Balayevin də 71 yaşı tamam olur. Rasimlə münasibətlərimiz çox yaxşıdır.
- Çox güman ki, bu gün təbrikləşəcəksiz.
- Təbrikləşməsək də, onun xətrini çox istəyirəm, böyük sənətkardır.
“Avroviziya 2024” mahnı müsabiqəsində ölkəmizi təmsil edəcək iştirakçının seçimləri başlayıb.
Heydər Əliyev Fondunun və IDEA (Ətraf Mühitin Mühafizəsi üzrə Beynəlxalq Dialoq) İctimai Birliyinin təşəbbüsü, Birləşmiş Millətlər Təşkilatının (BMT) Cenevrə şəhərindəki bölməsi və Azərbaycanın BMT-nin Cenevrə şəhərindəki bölməsi yanında daimi nümayəndəliyinin dəstəyi ilə təşkil edilən “Mənim dənizlərim, mənim okeanlarım” (My Seas, My Oceans) sərgisinin açılışı olub.
Azərbaycan Kinematoqrafçılar İttifaqı (AKİ) kinoşünaslar və kinoyazarlar üçün yeni sayt təsis edib.