Çinin "Huawei" şirkətinə məxsus "Honor" brendi ilk "Honor Vision" televizorunun təqdimat tarixini açıqlayıb. Tədbir avqustun 10-da Çində keçiriləcək.
"ICTnews" Elektron Xəbər Xidməti "DGL" resursuna istinadən yazır ki, söhbətin faktiki "Smart TV" kateqoriyalı televizordan getməsinə baxmayaraq yeni məhsul digər sinfə – "ağıllı" displeylər sinfinə aid edilir.
Bir müddət əvvəl verilən məlumata görə, model videozənglər və istifadəçinin tanınması üçün irəliyə çıxan kamera, eləcə də "ağıllı" ev idarəetməsi ilə bağlı bir sıra funksiyalarla təchiz ediləcək. Qurğunun əsasını "Huawei" törəməsi – "HiSilicon" şirkətinin internet nəhəngi "Baidu" ilə tərəfdaşlıqda hazırladığı "Honghu 818" prosessoru təşkil edəcək.
"Honor" tarixində 55 düym diaqonallı ilk televizorun "HongMeng" əməliyyat sisteminin idarəetməsi ilə işləyəcəyi gözlənilir. Əvvəlcə Çin istehsalçısının yeni platformasının "Honor" və "Huawei" smartfonlarında "Android" əməliyyat sistemini əvəzləyəcəyi ehtimal olunsa da, şirkət nümayəndələri bildirib ki, bu əməliyyat sistemi digər qurğular, o cümlədən "ağıllı" televizorlar üçün nəzərdə tutulub.
Realpress.az
“Hisense” şirkəti iki ekrana və “8K” təsvir ölçüsünə malik dünyanın ilk televizorunu təqdim edib.
2020-ci ilin sonunadək smartfonlar bazarında təxminən 214 dollar məbləğində “5G” şəbəkələrini dəstəkləyən qurğular əlçatan olacaq.
"OPPO" şirkəti "Reno3" smartfonunun təqdim edilməsindən üç ay sonra qurğunun LTE modemlə təchiz edilmiş daha ucuz versiyasını təqdim edib.
