Yağışdan sonra Bakıda baş verən qəzalar kameraya düşdü - VİDEO

Yağışdan sonra Bakıda baş verən qəzalar kameraya düşdü - VİDEO
09 Avq 2019 16:42

Bu gün havanın yağmurlu keçməsi paytaxt Bakıda bir neçə qəzaya səbəb olub. 

Realpress.az Avtosfer.az-a istinadla xəbər verir ki, qəzalar yüksək sürət rejimi tətbiq olunan yollarda baş verib. Həmin qəzaların videosuna baxdıqda məlum olur ki, hava və yol şəraitini düzgün qiymətləndirmirlər. Belə ki, əyləc sistemindən düzgün istifadə etməmək, ara məsafəsini düzgün seçməmək, sürət həddini aşmaq bu qəzalara səbəb olub.

Birinci qəzada “VAZ-2107” markalı avtomobilin sürücüsü qəfildən tormozloma edir. Çünki maşın idarəetmədən çıxıb yolun sağındakı dəmirlərə dəyəcəkdi. Sürücü maşını saxlaya bilsə də, arxadan gələn avtobus onu vurur. Burada avtobus sürücüsü qəzanın ağırlıq dərəcəsini aşağı salmaq üçün əlindən gələni edir.

Digər qəza görüntülərdən də aydın olur ki, minik avtomobili yüksək sürətlə hərəkət edir. Sürücü sürəti azaltmaq üçün əyləci basdıqda avtomobil idarəetmədən çıxır və saga gedərək dəmir arakəsmələrə çırpılır.

Üçüncü qəzaya da yüksək sürət səbəb olub. Sürücü sürəti azaltmaq istədikdə avtomobil yerində “oynayır” və arxası ilə yanda hərəkət edən digər avtomobilə toxunur. Daha sonra isə dəmir arakəsmələrə dəyən avtomobilin sükanını sürücü sonda saxlaya bilir.

Dörüncü qəzada “Mercedes” getdiyi yerdə idarəetmədən çıxır. Sürüşən avtomobil yerində dövrə vuraraq sağdakı arakəsmələrə dəyir və dayanır. Sürət yüksək olduğu üçün sürücü avtomobili vaxtında saxlaya bilmir.

Beşinci qəza isə birinci qəza ilə bağlıdır. Diqqətlə baxsanız görəcəksiniz ki, qəzaya düşmüş “VAZ-2107”ni yoldan çıxarmağa çalışan polislər sürücüyə kömək edirlər. Bu zaman digər avtomobillər qəza yerinə yaxınlaşdıqda sürəti azaldırlar. Lakin “Mitsubishi” markalı “pikap”ın sürücüsü sürəti azaltmadığı üçün yandakı maşına toxunaraq qəza törədir. 


10 Dek 2019
Cəmiyyət

"EuroHome”dakı yanğın məhdudlaşdırılıb - VİDEO

Bakı şəhərinin Binəqədi rayonunda “EuroHome” tikinti materialları bazarı ərazisində yanğın məhdudlaşdırılıb.

10 Dek 2019
Cəmiyyət

Sosial xidmətlər üzrə vətəndaşlara verilən elektron arayışların sayı artırılacaq - Bu ilin sonuna kimi

"Bu ilin sonuna kimi Əmək və Əhalinin Sosial Müdafiəsi Nazirliyi tərəfindən müxtəlif xidmətlər üzrə vətəndaşlara verilən elektron arayışların sayı 15-ə çatdırılacaq".

10 Dek 2019
Cəmiyyət

Bakıda dəhşətli yanğında avtomobillərə də ziyan dəydi - FOTO

Bakının Binəqədi rayonu ərazisində yerləşən "EuroHome" tikinti materialları bazarında baş verən yanğın nəticəsində ərazidə olan avtomobillərə ziyan dəyib. 

10 Dek 2019
Cəmiyyət

Nazir müavini Bakıda dəhşətli yanğın baş verən ərazidə

Xəbər verdiyimiz kimi, bu gün səhər saatlarından Bakının Binəqədi rayonu ərazisində yerləşən “EuroHome” tikinti materialları bazarında güclü yanğın başlayıb.

10 Dek 2019
Cəmiyyət

“EuroHome”un sahibi bu şəxsdir

Xəbər verdiyimiz kimi, Bakı şəhərinin Binəqədi rayonunda "EuroHome” tikinti materialları bazarı yanır.