Uşaqlara bu yaşda xarici dil öyrətməyin! - Təhlükə

Uşaqlara bu yaşda xarici dil öyrətməyin! - Təhlükə
29 Avq 2019 09:19

Son zamanlar valideynlər arasında uşaqlara ikinci dilin öyrədilməsi ilə bağlı ənənə formalaşıb. Belə ki, valideynlər övladları dil açmağa başlayan kimi ona ana dilindəki sözlərlə yanaşı, xarici dillərdə də söz və ifadələr öyrətməyə çalışırlar. Bu da bir çox hallarda uşağın ana dilində sərbəst danışa bilməməsinə, nitqinin qüsurlu olmasına səbəb olur.

Realpress.az xəbər verir ki, mövzu ilə bağlı axar.az-a danışan defektoloq-loqoped Mətanət Qafarova bildirib ki, uşaqlara ikinci dili öyrətməyin öz vaxtı var:

"Bəzən uşaqlar dil açmadığı zaman, məsələn, 2-3 yaşı olanda valideynlər düşünür ki, artıq ikinci dili öyrətmək lazımdır. Hətta bəzi valideynlər uşaqla iki dildə danışmağa başlayır, sözlərin bir qismini rus-ingilis, bəzilərini isə Azərbaycan dilində deyir.

Valideynlərin nəzərinə çatdırmaq istəyirəm ki, xüsusən 2 yaşlı uşaqlarla bu cür davranmaq onun nitqində travma yaradır. Ümumiyyətlə, 3 yaşına qədər ana dilini başqa dillə əvəz etmək olmaz. Uşaqlar dil açan zaman konkret bir dildə danışmağı öyrənməlidir. Valideynlər uşağa növbəti dili öyrətmək istəyirsə, bunu 3 yaşından sonra etmək məsləhətlidir. Əgər uşağın 3 yaşı tamam olubsa və sərbəst şəkildə ana dilində danışa, fikirlərini asanlıqla ifadə edə bilirsə, o zaman növbəti dilin öyrədilməsinə başlamaq olar. Amma uşağın artikular aparatında müəyyən problemlər varsa, uşaq təzə-təzə sözlər deməyə başlayırsa, söz birləşmələrindən istifadə edirsə və yaxud fikrini çatdırmaqda çətinlik çəkirsə, ona ikinci dilin 4 yaşa qədər öyrədilməsi məqsəduyğun deyil".

M.Qafarovanın sözlərinə görə, hələ sərbəst şəkildə danışa bilməyən uşağa başqa dillərdə sözlər öyrətmək uşağın təlim fəaliyyətinə mənfi təsir göstərir:

"Mütəxəssislər uşaqlara ikinci dilin öyrədilməsi üçün ən ideal vaxtın 4 yaşdan sonra olduğunu bildirirlər. Diqqət etmək lazımdır ki, uşağın nitqində yükləmələr olmasın. Uşaq 3 yaşında həm öz dilində danışır, həm də rus və ya başqa dillərdə sözlər bilirsə, nitqlə psixi funksiyalar üst-üstə düşmür. Uşaq rusca düşünür, azərbaycanca tərcümə edib danışır və ya əksinə.

Məktəb yaşında uşağa öyrədilən xarici dil daha uğurlu sayılır. Bu da 5 yaşından sonrakı dövrə təsadüf edir. Azyaşlıya dil öyrətmək üçün onun nitq xüsusiyyətləri, artikular aparatları, nitqin periferik mərkəzi hissəsi tamamilə normal olmalıdır və uşaq ana dilində sərbəst danışmalıdır. Uşaqda sadalanan proseslərin heç biri getmirsə, uşağın sərbəst danışmağı öyrənəcəyi vaxta qədər gözləmək lazımdır".



1 May 2020
Səhiyyə - Sağlamlıq

Cəlal İsayev: “Ölkədə epidemioloji vəziyyət vətəndaşlardan asılıdır” - ŞƏRH

Bu günə qədər Azərbaycanda COVID-19-a 1804 təsdiq edilmiş yoluxma hadisəsi qeydə alınıb. Yoluxanlardan 24 nəfəri ölüb, 1325-i sağalıb, 455-i isə xüsusi rejimli xəstəxanalarda müalicəsini davam etdirir. Aprelin 27-dən etibarən ölkədə yumşaldılmış karantin rejimi qüvvədədir. Ancaq təəssüflə qeyd etmək lazımdır ki, bir çox vətəndaşlar həm küçədə, həm də ictimai nəqliyyatda maska və əlcəklərə məhəl qoymadan elementar təhlükəsizlik tədbirlərinə əməl etmir.

30 Apr 2020
Səhiyyə - Sağlamlıq

Azərbaycanda daha 58 nəfər koronavirusdan sağaldı - RƏSMİ

Azərbaycanda koronavirus infeksiyasına yoluxmuş 58 nəfər müalicə olunaraq sağalıb və evə buraxılıb. 

30 Apr 2020
Səhiyyə - Sağlamlıq

Azərbaycanda daha bir nəfər koronavirusdan öldü - 38 yeni yoluxma

Azərbaycanda 38 yeni koronavirus infeksiyasına yoluxma faktı qeydə alınıb.

30 Apr 2020
Səhiyyə - Sağlamlıq

Bəla sovuşmayıb: Azərbaycanda koronavirusun ikinci dalğası ola bilər

Mayın 4-də Azərbaycanda xüsusi karantin rejiminin yumşaldılması gözlənilir. Fəqət, bəzi vətəndaşlarımızda ifrat nikbinlik, gərəksiz rahatlıq hissi yaranıb və onlar düşünürlər ki, COVİD-19 koronavirus pandemiyası ilə bağlı təhlükə sovuşub.

30 Apr 2020
Səhiyyə - Sağlamlıq

Alimlər siçovulun onurğa beynindən və süni əzələlərdən biorobot yaratdılar - FOTO

ABŞ neyrofizioloqları siçovulların onurğa beyni ilə süni şəkildə böyüdülmüş əzələlərin bir parçasını birləşdirib, onları idarə etməyi öyrənərək “biorobot“un prototipini yaradıblar.