Saxta "Best of Azerbaijan" aranı qatdı: Sadəcə görüntü üçün taxılıb - FOTO

Saxta "Best of Azerbaijan" aranı qatdı: Sadəcə görüntü üçün taxılıb - FOTO
03 Sent 2019 08:58


Sosial şəbəkələrdə başında tac, üzərində "The Best of Azerbaijan" yazısı olan bir xanımın fotosu müzakirələrə səbəb olub.

Sosial media əhli "gözəllikdən əsər əlaməti yoxdur, best model seçilir" kimi rəylərlə həmin xanımı tənqid atəşinə tutublar.

Həmin model isə ötən gün "E media qrup" tərəfindən keçirilən mükafatlandırma gecəsində səhnədə olub.

Realpress.az istinadla bildirir ki, qalmaqallı məsələni araşdırmaq üçün Oxu.Az-ın əməkdaşı "E media qrup"un rəhbəri Elşən Əliyevlə əlaqə saxlayıb.

O, açıqlamasında heç bir gözəllik müsabiqəsi keçirmədiyini bildirib və model xanımın üzərində daşıdığı "The Best of Azerbaijan" yazısını bu cür şərh edib: "E media qrup" heç vaxt model yarışması keçirməyib və heç bir modelə belə mükafat vermir. O gecədə isə, sadəcə həmin xanım və bir bəy "Ən yaxşılar" nominasiyasına layiq görülən ölkəmizin öndə gedən şəxslərinə mükafatları təqdim ediblər. Xanım mükafatı, bəy isə hədiyyələri təqdim edirdi. Xanımın başında tac, üzərində yazılan "The Best of Azerbaijan" lenti isə sadəcə gözəl görüntü üçün taxılıb. Bu, sadəcə yazılı lentdir. Həmin xanıma biz nə mükafat vermişik, nə də onu hər hansısa bir diplomla təltif etmişik".

Qeyd edək ki, ölkəmizdə keçirilən gözəllik və model yarışmalarında qalib olan xanımlar tez-tez sosial şəbəkədə müzakirə predmetinə çevrilir. Onların gözəl olmadıqlarını yazan izləyicilər keçirilən müsabiqələrin saxta olduğuna dəfələrlə etirazlarını bildiriblər.


20 Sent 2019
Şou-biznes

Sayqa Cahid avtomobil qəzasına düşdü - VİDEO

Azərbaycanlı aparıcı-prodüser Sayqa Cahid qəzaya düşüb.

19 Sent 2019
Şou-biznes

“Maşın”da onlar yarışacaq – SİYAHI

Ölkənin ən reytinqli  layihəsi olan “Maşın” şou oktyabrın 1-dən  start götürəcək. 17-ci sürətdə də ənənəvi olaraq 18 məşhur yarışacaq.