“Windows 10” sistemində smartfondan zəng etməyə imkan verən funksiya istifadəyə verilib

“Windows 10” sistemində smartfondan zəng etməyə imkan verən funksiya istifadəyə verilib
09 Sent 2019 10:19

“Windows 10” əməliyyat sistemində smartfondan zəng etmək imkanı əlçatan olub. Ajith adlı istifadəçi “Twitter”də bu haqda informasiya yerləşdirib.

 

“ICTnews” Elektron Xəbər Xidməti “iz.ru” saytına istinadən yazır ki, beləliklə, “Windows 10” əməliyyat sisteminin istifadəçisi smartfondan zənglər etmək və onları birbaşa idarə etmək imkanına malik olacaq. Bu əməliyyat üçün sazlamalarda yerləşdirilmiş xüsusi funksiya istifadəyə verilib. Həmin funksiyanı aktivləşdirdikdən sonra əsas menyuda “Calls” elementi əlçatan olacaq. Ona sıxdıqda ekrana nömrə yığımı paneli, həmçinin şəxsi kontaktların axtarışı üzrə sahə çıxacaq.

 

Məlumata görə, yeni funksiya hələ ki sınaq mərhələsindədir və “Microsoft” bu barədə heç bir məlumat verməyib.

Realpress.az


23 Sent 2019
İT

Ən təhlükəli parollar açıqlanıb

Almaniyanın “Avira” antivirus şirkətinin tərtibatçıları “ağıllı” qurğu və şəbəkə qurğularından istifadə zamanı ən təhlükəli parolları müəyyənləşdiriblər.

23 Sent 2019
İT

“Google” şirkəti ən güclü kompüter yaradıb

ABŞ-ın “Google” şirkəti hesablamaların sürətli aparılmasına görə ən güclü superkompüter hesab edilən “IBM” korporasiyasına məxsus “Summit” superkompüterini üstələyən dünyanın ən güclü kvant kompüterini yaradıb.   

20 Sent 2019
İT

2020-ci ildə “5G”-smartfonların qlobal tədarükü 260 milyona yaxınlaşacaq

Tayvanın “Market Intelligence & Consulting Institute” şirkətinin analitiklərinin proqnozuna görə, 2020-ci ildə beşinci nəsil şəbəkələrini dəstəkləyən smartfonların tədarük həcmi 260 milyona yaxınlaşacaq. 2019-cu ildə “5G”-aparatların tədarük həcmi 11,4 milyon səviyyəsində gözlənilir.

20 Sent 2019
İT

“LTE” şəbəkələrinə qoşulmaların sayı 5 milyarda yaxınlaşıb

Bu ilin ikinci rübündə “LTE” şəbəkələrinə 250 milyona yaxın yeni qoşulma qeydə alınıb, onların ümumi sayı isə 4,7 milyarda çatıb. Bu barədə “Ovum” analitik şirkətinin sahə üzrə “5G Americas” Assosiasiyasına istinadən məlumatında deyilir.

20 Sent 2019
İT

Yapon alimləri ehtimala əsaslanan ilk kompüter təqdim ediblər

Yaponiyanın Toxoku və ABŞ-ın Perdyu universitetlərinin  mühəndisləri ehtimala əsaslanan kompüter sxemi üzrə işləyən ilk qurğu təqdim ediblər. Bu haqda “Science Daily” nəşri yazıb.