Tanınmış rusiyalı həkim-kardioloq, “O samom qlavnom” televiziya verilişinin aparıcısı Aleksandr Myasnikov hipertoniyadan əziyyət çəkən insanların ən təhlükəli səhvləri açıqlayıb.
Həkim qeyd edir ki, bu səhvlər hipertoniklərin həyatını xeyli qısaldır.
Saglamolun.az bildirir ki, 2018-ci ildə ABŞ və Avropada normal arterial təzyiqin normaları dəyişdirilib. Bundan sonra yaşdan asılı olmayaraq böyüklərdə normal arterial təzyiq 119/79 mm c.st. qədər sayılacaq.
120/80 – hipertoniya önü
130/80 – 1-ci dərəcəli hipertoniya
140/90 və daha çox – 2-ci dərəcəli hipertoniya
Normalar nə üçün dəyişdirilib? Həkimlərin müşahidələrinə görə, arterial təzyiqin hətta yüngül qalxması insanlarda infarkt, insult və ani ölümün riskini artırır.
Myasnikovun sözlərinə görə, 1-ci dərəcəli hipertoniya zamanı insan artıq diqqətli olmalı və bəzi tədbirlər görməlidir ki, xəstəlik ağırlaşmasın. Bunun üçün qidalanmada duzun miqdarını azaltmaq, artıq çəki varsa arıqlamaq, pis vərdişlərdən imtina etmək, fiziki aktivliyini artırmaq lazımdır. Bir çox hallarda məhz bu sadə qaydalar təzyiqi normada saxlamağa yardım edir.
2-ci dərəcəli hipertoniya zamanı yuxarıda sadaladığımız qaydalara (duzun və çəkinin azalması, fiziki aktivlik) əməl etməklə yanaşı təzyiqi salan preparatları qəbul etmək lazımdır. Preparatları yalnız həkim lazım olan müayinə və analizlərdən sonra təyin edə bilər.
Myasnikov qeyd edir ki, Rusiyada (elə bizdə də) bir çox xəstələr təzyiq dərmanlarını özbaşına içir, həkimlə deyil, təzyiqi olan qonşu, qohumla “məsləhətləşirlər” (“dərman qonşuya kömək edib, mənə də edəcək”). Bu ciddi səhvdir. Təzyiq dərmanlarının sayı çoxdur və bir insana kömək edən dərman digərinə kömək etməyə bilər. Bəzən hətta həkimlər xəstə üçün dərman seçdikdə əziyyət çəkir, uzun müddət ərzində uyğun preparat tapa bilmirlər.
Digər səhv təzyiq normallaşanda dərmanlardan özbaşına imtina etməkdir. Myasnikovun sözlərinə görə bu çox təhlükəlidir. Təzyiq preparatlarının məhz müntəzəm (!) qəbulu effekt verir. Xəstə preparatı vaxtı-vaxtında qəbul etmirsə, fasilələr verirsə, bu çox təhlükəlidir, infarkt və insultun riskini artırır.
Digər səhv həkimə gec-gec getməkdir. Təəssüf ki, hipertoniya əksər hallarda xroniki xarakter alır və bu səbəbdən xəstə daim həkim nəzarətində olmalıdır. Rusiyada (Azərbaycanda da) insanlar həkim yanına getməyi xoşlamır və nəticədə xəstəlik normal kontrol olunmur, ağırlaşır, risklər artır.
Növbəti səhv təzyiqin kəskin artması zamanı onu kəskin salmaqdır. Bu çox təhlükəlidir və ani ölümün riskini artırır. Hətta insult zamanı təzyiqi 15-20%-dan çox salmaq olmaz.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
