Azərbaycanda rəqəmsallaşma prosesinin hüquqi təminatı hazırlanır

Azərbaycanda rəqəmsallaşma prosesinin hüquqi təminatı hazırlanır
10 Sent 2019 09:00


Bakıda “Hüquq və rəqəmsallaşma” mövzusunda seminar keçirilib.

realpress.az xəbər verir ki, tədbir ölkədə rəqəmli iqtisadiyyatın formalaşdırılması və yüksək texnologiyaların tətbiqinə həsr edilib.

Seminarda iştirak üçün Bakıya Martin Lüter adına Halle-Vittenberq Universitetinin və Tallin Texniki Universitetinin mütəxəssisləri gəliblər. Burada onlara ADA Universitetinin professor və tələbə heyəti, Nəqliyyat, Rabitə və Yüksək Texnologiyalar Nazirliyi, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin nümayəndələri qatılıblar.

ADA Universitetində keçirilən “Hüquq və rəqəmsallaşma” (Law and Digitalization) mövzusunda dəirmi masada qonaqlarla yanaşı dövlət və elm sahəsində çalışan hüquqşünaslar da toplanıb. Dialoq əsasında Azərbaycanda rəqəmsallaşdırma prosesinin intensivləşməsi, elm və təcrübəni bir-birinə yaxınlaşdıraraq dəyər qazandıracaq platforma yaratmağa cəhd edilib.

Ölkəmizdə bu proseslərlə yaxından məşğul olan Nəqliyyat, Rabitə və Yüksək Texnologiyalar Nazirliyinin şöbə müdiri Rəşad Əzizov bildirib ki, bu gün rəqəmsallaşma həyatımızın bütün sahələrini əhatə edir.

“Ölkəmizdə rəqəmli iqtisadiyyatın formalaşdırılması, rəqəmli hökumətin qurulması, informasiya cəmiyyətinin inkişafı istiqamətində işlər aparılır. Biz innovasiyaların və yüksək texnologiyaların tətbiqi ilə ölkə iqtisadiyyatının diversifikasiyasını sürətləndirə bilərik. Məhz buna görə də bu, cənab Prezidentin hökumət qarşısında qoyduğu vacib tapşırıq və dövlət siyasətinin əsas prioritetlərindən biridir”, - deyə, mütəxəssis qeyd edib.  

Tədbirə qatılan xarici qonaqlar informasiya hüququ, süni intellekt, kibertəhlükəsizliyin əhəmiyyəti haqqında Avropa təcrübəsi ilə bölüşüblər.

Seminar çərçivəsində Azərbaycanda “Rəqəmsal Hüquq Laboratoriyası”nın (Digital Law Lab) yaradılması istiqamətində fikir mübadiləsi aparılıb.

Yerli və xarici ekspertlərin dialoqu Qəbələ-Şəki bölgəsində “yay məktəbi” formatında davam etdirilib.


2 İyul 2020
İqtisadiyyat

İdxal olunan benzinin qiymətinin artması ölkənin yanacaq balansına təsir etməyəcək - TƏHLİL

Bu ilin mart ayında dünyada neft qiymətlərinin aşağı düşməsi, həmçinin koronavirus pandemiyası şəraitində tətbiq olunan fərdi nəqliyyat vasitələrinin hərəkətini məhdudlaşdırmaq tədbirləri bir sıra ölkələrdə pərakəndə benzin satışı qiymətlərinin görünməmiş dərəcədə ucuzlaşmasına səbəb oldu. Bu proseslər Azərbaycanın yanacaq bazarına da təsir etdi; idxal olunan yüksək oktanlı benzinin qiymətləri mart və may aylarında ucuzlaşdı. Lakin iyun ayının sonunda bazar konyunkturasında dəyişiklik dünya miqyasında yanacaq qiymətlərinin artmasına səbəb oldu, bu da təbii olaraq Azərbaycana idxal olunan “Premium Euro-95”in pərakəndə satış qiymətlərinə təsir etdi.

1 İyul 2020
İqtisadiyyat

Sahibkarlığın güzəştli maliyyələşdirilməsində YENİ MEXANİZMLƏR -VİDEO

Məlum olduğu kimi, Azərbaycan Respublikası Prezidentinin 4 iyun 2020-ci il tarixli fərmanı ilə Sahibkarlığın İnkişafı Fondunun vəsaiti hesabına güzəştli kreditlərin verilməsi Qaydası təsdiq olunub və Fondun nizamnaməsində dəyişikliklər edilib.

1 İyul 2020
İqtisadiyyat

Azərbaycanda Aİ-95 benzininin bahalaşmasının səbəbi açıqlandı

Bu gündən Azərbaycanda Aİ-95 (“Premium”) markalı benzin bahalaşıb.