Xalq artisti Naibə Allahverdiyeva səhhətində yaranmış ciddi problemlərə görə Türkiyəyə yola düşüb.
Realpress.az istinadla bildirir ki, məsələ bağlı Oxu.Az-ın əməkdaşı N.Allahverdiyeva ilə əlaqə yaradıb.
Aktrisa həkimlərin ona düzgün diaqnoz qoymadıqlarına görə Türkiyəyə üz tutduğunu söyləyib.
"Bakıda xəstəliyimlə bağlı döymədiyim xəstəxana qapısı qalmadı. Bütün pullarım hədər getdi. Dərmanlara və müayinələrə verdiyim pulları saysam, ağzınız açıq qalar. Bir çox həkimlərə üz tutsam da, onlar xəstəliyimin tam diaqnozunu qoymaqda çətinlik çəkdilər.
Hətta həkim tomoqrafiyaya baxıb diaqnoz qoya bilmədi. Analizlərin cavablarını Türkiyənin məşhur xəstəxanalarının birinə yolladım. Müsbət cavab aldıqdan sonra qərar verdim ki, Türkiyəyə getməliyəm. Ümid edirəm ki, Türkiyədə dərdimə dərman tapılar və yenidən sağlamlığıma qovuşaram".
Qeyd edək ki, bir müddət bundan əvvəl Naibə Allahverdiyeva əsəblərinin pozulduğunu və qan təzyiqindən əziyyət çəkdiyini bildirmişdi.
Bu günlərdə Los-Ancelesdə keçirilən Yay onlayn-festivalının proqramında Azərbaycan violonçel ifaçısı Ruslan Biryukov və pianoçu Frank Fettanın ifasında L.Bethoven, F.Şopen, N.Paqanini, C.Gerşvin, S.Raxmaninov və digər bəstəkarların əsərləri ilə yanaşı Azərbaycanın görkəmli bəstəkarı Arif Məlikovun dünya şöhrətli “Məhəbbət əfsanəsi” baletindən “Noktürn” əsəri səslənib.
Prezident İlham Əliyevin iyulun 20-də imzaladığı sərəncama əsasən, Anar Qabil oğlu Kərimov Mədəniyyət nazirinin birinci müavini təyin edilib.
