“Bakı Telefon Rabitəsi” MMC-nin Bakıətrafı ərazilərdə infrastruktur layihələrini davam etdirməsi haqqında

“Bakı Telefon Rabitəsi” MMC-nin Bakıətrafı ərazilərdə infrastruktur layihələrini davam etdirməsi haqqında
10 Sent 2019 17:30

Nəqliyyat, Rabitə və Yüksək Texnologiyalar Nazirliyi "Bakı Telefon Rabitəsi MMC" (Baktelecom) Bakı şəhəri və ətraf ərazilərdə telefon, genişzolaqlı internet və digər multimedia xidmətlərinin beynəlxalq standartlarla təşkili istiqamətində irimiqyaslı infrastruktur layihələrini davam etdirir.

 

"Baktelecom" "Strateji Yol Xəritəsi"nə əsaslanaraq yüksəksürətli, genişzolaqlı telekommunikasiya infrastrukturunun inkişaf etdirilməsi və tətbiqi istiqamətində "Evədək optika" layihəsinin əhatə dairəsini mərhələli şəkildə genişləndirir. Artıq Biləcəri qəsəbəsində də yenidənqurma işlərinin icrasına başlanılıb. Qəsəbədəki köhnə və yeni tikililərdə olan mənzillərdə telekommunikasiya xətlərinin yenilənməsinə və müasir standartlara cavab verən fiber-optik kabellərlə əvəzlənməsinə start verilib.

 

Məlumat üçün bildirək ki, Bakı şəhəri üzrə 60 minə yaxın mənzildə genişzolaqlı optik şəbəkə aktiv edilib, sakinlər bir optik xətt üzərindən telefon, internet və İPTV xidmətləri ilə təmin olunublar. Hazırda paytaxtın mərkəzi küçələrində yerləşən yaşayış binaları ilə yanaşı, əhalinin sıx məskunlaşdığı Yasamal, Xətai və Nizami rayonlarında, eləcə də Qaradağ və Suraxanı rayonlarında da mənzillərin optik şəbəkəyə keçirilməsi prosesi aparılır.

 

Qeyd edək ki, layihə fiber-optik xətlər üzərindən 100 Mbit/s-ə qədər qoşulma sürəti, kəsintisiz internet, telefon xətlərindən asılılığın olmaması kimi üstünlüklərə malik GPON (Gigabit Passive Optical Network – Gigabit tutumlu Passiv Optik Şəbəkə) texnologiyası əsasında tətbiq edilir.

Realpress.az

 

 

 

 

 









23 Sent 2019
İT

Hindistan ölkə ərazisində sifət tanıma sistemini işə salmağı planlaşdırır

Hindistan hökuməti dünyada ən böyük sifət tanıma sistemini hazırlamağı planlaşdırır. Hakimiyyət bu addımı ölkədə polis əməkdaşlarının sayının çox az olması və onların təhlükəsizliyin təmin edilməsinin öhdəsindən gəlməməsi ilə izah edir. Bu ideyanın rəqibləri hesab edirlər ki, məlumatların məxfiliyi haqqında qanun qəbul olunmadan belə sistemin tətbiqi təhlükəlidir.

23 Sent 2019
İT

Ən təhlükəli parollar açıqlanıb

Almaniyanın “Avira” antivirus şirkətinin tərtibatçıları “ağıllı” qurğu və şəbəkə qurğularından istifadə zamanı ən təhlükəli parolları müəyyənləşdiriblər.

23 Sent 2019
İT

“Google” şirkəti ən güclü kompüter yaradıb

ABŞ-ın “Google” şirkəti hesablamaların sürətli aparılmasına görə ən güclü superkompüter hesab edilən “IBM” korporasiyasına məxsus “Summit” superkompüterini üstələyən dünyanın ən güclü kvant kompüterini yaradıb.   

20 Sent 2019
İT

2020-ci ildə “5G”-smartfonların qlobal tədarükü 260 milyona yaxınlaşacaq

Tayvanın “Market Intelligence & Consulting Institute” şirkətinin analitiklərinin proqnozuna görə, 2020-ci ildə beşinci nəsil şəbəkələrini dəstəkləyən smartfonların tədarük həcmi 260 milyona yaxınlaşacaq. 2019-cu ildə “5G”-aparatların tədarük həcmi 11,4 milyon səviyyəsində gözlənilir.

20 Sent 2019
İT

“LTE” şəbəkələrinə qoşulmaların sayı 5 milyarda yaxınlaşıb

Bu ilin ikinci rübündə “LTE” şəbəkələrinə 250 milyona yaxın yeni qoşulma qeydə alınıb, onların ümumi sayı isə 4,7 milyarda çatıb. Bu barədə “Ovum” analitik şirkətinin sahə üzrə “5G Americas” Assosiasiyasına istinadən məlumatında deyilir.