“Google” Fransada vergi iddialarının həlli üçün 1 milyard avro ödəyəcək

“Google” Fransada vergi iddialarının həlli üçün 1 milyard avro ödəyəcək
13 Sent 2019 11:42

ABŞ-ın “Google” şirkəti Fransa hökumətinin qaldırdığı vergi iddialarının həlli üçün 965 milyon avro ödəyəcək. Bu ödənişlərin Fransada şirkətlə bağlı 4 il davam edən araşdırmalara son qoyacağı gözlənilir.

 

“ICTnews” Elektron Xəbər Xidməti “Interfax” resursuna istinadən yazır ki, Fransa prokurorluğunun məlumatına görə, “Google” Fransada verginin tam ödənilməməsi ilə bağlı iddiaların yoluna qoyulması üçün 500 milyon avro məbləğində cərimə ödəməyə razılaşıb.

 

Şirkət nümayəndələrinin sözlərinə görə, Fransaya əvvəlki dövrlər üçün ödənilməmiş vergilərə əlavə olaraq 465 milyon avro ödəniləcək.

 

Bildirilir ki, Fransa hakimiyyəti Avropa mənzil-qərargahı Dublində yerləşən “Google” şirkətini Fransada həyata keçirilmiş əməliyyatlardan əldə edilən gəlir vergisinin əksər hissəsinin İrlandiyada ödənilməsində ittiham edib.

 

“Google” şirkəti tərəfindən Avropa ölkələrində satışın əsas hissəsinin İrlandiya bölməsinin maliyyə hesabatlılığında qeyd olunması ilə əlaqədar verginin əksər hissəsi İrlandiyada ödənilir. Bu, beynəlxalq vergi qanunvericiliyində mövcud olan boşluqlar sayəsində mümkün olur. Fransa hökuməti nümayəndələrinin sözlərinə görə, bunun nəticəsində ölkə milyardlarla avro büdcə gəliri itkisi ilə üzləşir.

 

Məsələnin həlli ilə bağlı Fransa məhkəməsi tərəfindən cümə axşamı təsdiq edilən razılaşma növbəti 10 gün ərzində şirkət tərəfindən geri götürülməyəcəyi təqdirə o qüvvəyə minəcək. Razılaşmanın şərtlərinə görə, “Google” iddiaların əsaslı olduğunu etiraf etsə də, təqsirli olduğunu qəbul etməyib.

Realpress.az


18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.