Azərbaycan təmsilçiləri üçün uğursuz, “Sevilya” üçün uğurlu hakim Bakıya gəlir

Azərbaycan təmsilçiləri üçün uğursuz, “Sevilya” üçün uğurlu hakim Bakıya gəlir
16 Sent 2019 15:11


UEFA Avropa Liqasının qrup mərhələsinin “Qarabağ” – “Sevilya” görüşünün hakimləri müəyyənləşib.

Realpress.az xəbər verir ki, sentyabrın 19-da Bakıda baş tutacaq görüşü ukraynalı Yevgeni Aranovskinin başçılıq etdiyi hakimlər briqadası idarə edəcək.

Aranovski artıq iki dəfə Bakıda olub. Onun idarə etdiyi iki görüşün ikisində də komandalarımız məğlubiyyətlə üzləşib. Belə ki, 2014-cü ilin noyabrın 16-da millimiz Avro-2016-nın seçə mərhələsində Norveçə 0:1 məğlub olub. 

Bundan iki il sonra “Qəbələ” Belçikanın “Anderlext” komandasına 1:3 hesabı ilə uduzub. Avropa Liqasının qrup mərhələsi çərçivəsində baş tutan ikinci görüşdə o, Qəbələ klubunun xeyrinə iki penalti təyin edib.

“Qəbələ”nin braziliyalı futbolçusu Rikardinyo 11-ci dəqiqədə penalti qolu ilə hesabı bərabərləşdirsə də, 74-cü dəqiqədə komandamızın hesabda önə çıxmaq şansını qaçırıb. Hazırda “Sabah” klubunda çıxış edən Rəşad Eyyubov isə 89-cu dəqiqədə meydandan qovulub (ikinci sarı vərəqə).

Aranovski “Qarabağ”ın oyununu idarə etməsə də, bir dəfə “Sevilya”nın matçında baş hakim funksiyasını icra edib. Bu oyun 2013-cü ilin avqustun 8-də Avroliqanın III təsnifat mərhələsi çərçivəsində baş tutub. Həmin vaxt “Sevilya” Monteneqronun paytaxtı Podqoritsada “Mladost”u 6:1 hesabı ilə darmadağın edib.

Qeyd edək ki, Tofiq Bəhramov adına Respublika Stadionunda keçiriləcək və saat 20:55-də başlayacaq görüşdə Yevgeni Aranovskinin köməkçiləri Syomen Şlonçak, İqor Alyoxin və Yaroslav Kozık olacaq.


16 Apr 2024
İdman

Azərbaycan voleybol çempionatı: yarımfinal mərhələsinin daha bir oyunu keçirilib

Kişi voleybolçular arasında Azərbaycan çempionatının Yüksək Liqasında yarımfinal mərhələsinin növbəti oyunu keçirilib.

16 Apr 2024
İdman

Olimpiadaya lisenziya qazanan Azərbaycanın 3x3 basketbol millisi Vətənə dönüb

Honkonqda təşkil olunan Olimpiya Təsnifat turnirində qalib gələrək tarixi uğura imza atan Azərbaycanın qadınlardan ibarət 3x3 basketbol millisi Vətənə dönüb.

15 Apr 2024
İdman

Azərbaycan gimnastları beynəlxalq turnirdə yeddi qızıl medal qazanıblar

Bədii gimnastika üzrə Azərbaycan millisinin üzvləri Zəhra Cəfərova və Şəms Müvəffəgi Qırğızıstanın paytaxtı Bişkekdə keçirilən birinci “Kelechek” beynəlxalq turnirində yeddi qızıl medal qazanıblar.

15 Apr 2024
İdman

Bakı kəndləri birinciliyində iki günə 400 cüdoçu yarışdı - FOTO

Cüdo üzrə Bakı kəndləri birinciliyinin qaliblərininə Bakı Abadlıq Xidməti tərəfindən Azərbaycan istehsalı olan, keyfiyyətinə görə son illər gənclər arasında çox populyarlaşan “İSMA BİKES” velosipedləri və pul mükafatları təqdim olunub.

15 Apr 2024
İdman

Azərbaycan boksçuları Avropa çempionatını iki qızıl medalla başa vurublar - YENİLƏNİB + FOTO

Azərbaycanın daha bir boksçusu Xorvatiyanın Poreç şəhərində gənclər arasında keçirilən Avropa birinciliyinin qalibi olub.