QRİPƏ YANAŞMA.

QRİPƏ YANAŞMA.
01 Okt 2019 15:22

QRİPƏ YANAŞMA.

Realpress.az Aptekonline.az-a istinadla bildirir ki,qrip, qrip virusunun yaratdığı kəskin tənəffüs yolu infeksiyasıdır. Kəskin Respirator Virus İnfeksiyaları (KRVİ) qrupuna daxildir. Vaxtaşırı epidemiya və pandemiya şəklində yayılır. Əksər insanlarda qrip simptomları bir həftə ərzində tibbi yardım olmadan yox olur. Buna baxmayaraq qrip, insanlarda ciddi xəstəliklərə və ölümə səbəb ola bilər. İnfeksiya mənbəyi öskürmə və ya asqırma ilə virus ifraz edən xəstədir. İnsan xəstəliyin ilk saatlarından beşinci və ya yeddinci gününə qədər yoluxdurucu hesab olunur. Yüksək risk qruplarına uşaqlar, yaşlı insanlar, hamilə qadınlar, xroniki ürək xəstəlikləri olan şəxslər, aid edilir.

Qripin əsas klinik əlamətləri: Yuxarı tənəffüs yollarının qıcıqlanması: ağır öskürək; Temperatur, titrəmə, mialgiya (əzələ ağrısı) və baş ağrısı; Artan damar keçiriciliyinin artması və kapilyarların zədələnməsi əlamətləri: stazis və qanaxma. Bundan əlavə virus bədənin müdafiə sistemlərini zəiflədir, bu da ikincili infeksiyanın qoşulmasına və ağırlaşmala səbəb olur. Xəstəliyin ağırlaşma tezliyi nisbətən azdır, lakin inkişaf edərsə, xəstənin sağlamlığı üçün əhəmiyyətli dərəcədə təhlükə yarada bilər. Qripin orta-ağır, ağır və toksik formaları ciddi fəsadlara səbəb ola bilər.

Qripin əsas ağırlaşmaları: Bakterial sətəlcəm, hemorragik pnevmoniya, ağciyər absesinin əmələ gəlməsi, empiemanın meydana gəlməsi, kəskin tənəffüs çətinliyi sindromu, rinit, sinusit, otit, traxeit, ensefalit, meningit, nevrit, qaraciyərin zədələnməsi Reye sindromu, miokardit, zəhərli-allergik şok.

Qripin profilaktika yolları. Əksər hallarda qrip infeksiyası özü sağalır. Qripə qarşı 100% təsirli virusəleyhinə dərman yoxdur. Qripin müalicəsində ən vacib məsələ özünüzə və başqalarına zərər verməməkdir. Xəstə olduqda, yataqda istirahət etmək lazımdır. Ayaqüstdə olmaq qripin ağırlaşmalarına səbəb ola bilər (pnevmoniya, viral miokardit). Yoluxma riski olduğu üçün insanlarla təmasdan çəkinmək lazımdır. Qripin qarşısını almağın ən təsirli yolu peyvəndlənmədir. Qripdən qorunmaq üçün ÜST illik peyvənd etməyi tövsiyə edir, çünki peyvəndin istifadəsindən bir müddət sonra immunitet zəifləyir.

ÜST, aşağıdakı qruplara illik peyvənd etməyi tövsiyə edir: Hamiləliyin istənilən mərhələsində olan qadınlar; 6 aydan 5 yaşa qədər uşaqlar; 65 yaşdan yuxarı insanlar; Xroniki sağlamlıq problemləri olan insanlar; Səhiyyə işçiləri. Peyvənd qripə yoluxma hallarını 2-3 dəfə azaldır və xəstələr, xüsusən də yaşlı insanlar və uşaqlar arasında ölüm hallarının azalması müşahidə olunur.

Yetkinlər şəxslər qripə ciddi xəstəlik kimi yox, müalicə tələb etməyən, xəstəlik kimi baxırlar. Xəstəlik zamanı bir çox insan işə, məktəbə, mağazaya gedir, ictimai nəqliyyatdan istifadə edir və xoşagəlməz simptomları dayandırmaq üçün simptomatik müalicə vasitələrindən istifadə etməyə davam edir. Bu insanlar belə etməklə, başqalarına qarşı məsuliyyətsiz bir münasibət nümayiş etdirir və fəsadların yaranma ehtimalını artıraraq öz sağlamlıqlarını da risk altına qoyurlar. Xəstəlik əlamətləri olduğu zaman ən yaxşı üsul evdə qalmaq, həkimə müraciət etmək və sonra onun tövsiyələrini yerinə yetirməkdir. Qrip müalicəsinə yanaşmalara gəldikdə isə bu yanaşmalar çox genişdir, lakin bəzi nüansları nəzərə almaq lazımdır. Qripin müalicəsi hərtərəfli olmalıdır. Müalicə üçün həkim və xəstənin üç vəzifəsi var: virusu məhv etmək, immun sisteminin infeksiya ilə mübarizəsinə kömək etmək, xəstəliyin ağır təzahürlərini zəiflətmək. Bunlara həm müxtəlif dərman qruplarından olan preparatlardan, həm də Xalq təbabəti reseptlərindən istifadə etməklə nail ola bilərsiniz.

Materialda əks olunmuş məlumatlar müxtəlif qaynaqlardan, o cümlədən elmi-populyar məqalələr, internet materialları, rəsmi hesabatlar və s. əldə olunmuş, ümumiləşdirilmiş, tərcümə edilmiş və sistemləşdirilmişdir.


28 Noy 2019
Səhiyyə - Sağlamlıq

Kəskin respirator virus infeksiyaları

Kəskin respirator virus infeksiyası (KRVİ) - virus xəstəliyi olub, tənəffüs yollarının selikli qişasının zədələnməsi ilə xarakterizə olunur. Xalq arasında bu xəstəliyi "soyuqdəymə" adlandırırlar. Alimlər 200-dən çox respirator viruslar aşkar ediblər. Bunlardan ən çox təsadüf olunan viruslar -paraqrip, adenovirus, rinoviruslardır. KRVİ  əsasən hava-damcı yolu ilə yoluxur. İnfeksiya mənbəyi xəstə insanlardır.

28 Noy 2019
Səhiyyə - Sağlamlıq

Əllərdə bu dəyişikliklər AĞCİYƏR XƏRÇƏNGİNƏ işarə edir - FOTO

Xərçəngin ilkin mərhələlərdə aşkar olunması insanın sağlamlığını və həyatını xilas etməyə imkan verir. Bu səbəbdən xərçəngin ilkin simptomlarını bilmək çox vacibdir.

26 Noy 2019
Səhiyyə - Sağlamlıq

Sadə herpesin hiyləgər ağırlaşmaları

Sadə herpes - törədicisi Sadə Herpes Virusu (SHV) olub, herpetik infeksiyanın ən çox yayılmış xəstəliyidir. Herpesin törədicisi elə virusdur ki, bir dəfə orqanizmə daxil oldusa orada həmişəlik qalır. SHV-nin mənbəyi xəstə və ya daşıyıcı (xəstəliyin xarici əlamətləri yoxdur, lakin virus tüpürcək, sidik, sidik-cinsiyyət sistemi ifrazatları vasitəsilə xaric olunur) insandır. Virus kontakt, hava-damcı yolu ilə, qan və orqan köçürülməsi zamanı ötürülür. Hamiləlik zamanı dölün yoluxması transplasentar yolla (cift vasitəsilə) va ya doğuş zamanı baş verə bilər.

25 Noy 2019
Səhiyyə - Sağlamlıq

Qış - soyuqdəymə xəstəliklərinin zamanıdır

Qış - bir çox səbəbə görə xoşagəlməz vaxtdır. Soyuq hava, vitamin azlığı, mövsümi depressiya. Hələ immunitet də zəifləyir, orqanizmin infeksiyalara qarşı müqavimətini azaldır. Buna sağlam olmayan həyat tərzini də əlavə etsəniz aydın olacaq niyə soyuqdəymə və qrip - ilin bu vaxtı praktiki olaraq hər bir evin daimi qonağıdır.