UŞAQLARDA İMMUNİTETİN GÜCLƏNDİRİLMƏSİ

UŞAQLARDA İMMUNİTETİN GÜCLƏNDİRİLMƏSİ
02 Okt 2019 12:05

UŞAQLARDA İMMUNİTETİN GÜCLƏNDİRİLMƏSİ

İmmunitet orqanizmin müdafiə sistemidir. 0-3 yaş arası uşaqlarda immun sistemi zəif vəziyyətdədir. Hər dəfə infeksiyaya yoluxduqdan sonra immunitet zəifləyir. Buna görə də uşaqların  xəstəliklərə qarşı müqavimət qazana bilməsi üçün onların immun sisteminin gücləndirilməsi çox vacibdir. 

 

İmmunitetin zəifləməsinə səbəb olan faktorlar: ananın hamiləlik zamanı keçirdiyi stress; qəbul etdiyi qidalar, doğulduqdan sonra uşağın balanslaşdırılmamış qidalanması; yuxu rejiminin pozulması; təmiz havada az olması; yüksək fiziki, əqli və emosional yüklənmələr; keçirilmiş ağır xəstəliklər və xəstəliklər zamanı lazımsız və ya yetərsiz dərman qəbulu (məsələn, antibiotiklər, hərarətsalıcı vasitələr) və s.

Kiçik yaşlı uşaqlarda immunitetin zəifləməsinin əlamətləri: 1 ildə 5 dəfədən çox infeksion  xəstəliklərə tutulması; soyuqdəymə və infeksion xəstəliklər zamanı hərarətin artması; xəstəliklərin düzgün müalicə fonunda uzun sürməsi və ya ağırlaşması, sağalmanın gecikməsi; ağız boşluğunun  selikli qişasında stomatitin tez-tez əmələ gəlməsi; göbələk xəstəliklərinin tez-tez təkrarlanması; ümumi simptomlar arasında: ümumi zəiflik, yorğunluq, tərləmənin artması, dəri örtüklərinin solğunluğu və s.

Bəs, immun çatışmazlığını necə aradan qaldırmaq və immuniteti necə gücləndirmək olar? Uşaqlarda düzgün və tam dəyərli qidalanma, normal yuxu rejimi, açıq havada gəzintilər və s. immun sisteminin bərpa olunmasına kömək edir. Lakin bəzən immun sisteminin bərpası üçün  həkimlər tərəfindən üstünlük məhz immunmodulyatorlara verilir. İmmunmodulyatorlar seçici olaraq, immun  sisteminin fəaliyyətini tənzimləyir. Yəni əgər immunitet zəifləyibsə, immunmodulyatorlar onu gücləndirir, immun hüceyrələrinin yüksək fəallığı zamanı isə (autoimmun xəstəliklərdə və şişlərdə) onların hərəkətini sıxışdırır, təzyiq altında saxlayırlar. Normal immun statusunda modulyatorlar praktiki olaraq immun sisteminə heç bir təsir göstərmir. Hazırda müxtəlif bitkilər, dəniz yosunları və s. təbii maddələr əsasında hazırlanmış təbii immunmodulyator vasitələrdən istifadə etmək daha düzgündür. Təbii ki, belə preparatlar daha zərərsizdir. Uşaqlarda immuniteti möhkəmləndirmək üçün yaz-payız aylarında həkim məsləhəti ilə təbii immunmodulyatorlarla  profilaktik tədbirlər aparmaq olar. Uşağın sağlam böyüməsi üçün  onun  immun sisteminin yüksək səviyyədə saxlanmasına xüsusi diqqət yetirmək lazımdır!

Materialda əks olunmuş məlumatlar müxtəlif qaynaqlardan, o cümlədən elmi-populyar məqalələr, internet materialları, rəsmi hesabatlar və s. əldə olunmuş, ümumiləşdirilmiş, tərcümə edilmiş və sistemləşdirilmişdir.

Realpress.az


8 Dek 2021
Səhiyyə - Sağlamlıq

Şəkərli diabet xəstələrinə verilən insulinlərin miqdarı azaldılıb? - AÇIQLAMA

Ölkədə şəkərli diabet xəstələrinin dərmanlarla təminatında ciddi problemlər var.

6 Dek 2021
Səhiyyə - Sağlamlıq

Qanda hemoqlobini artırmaq üçün vasitələr açıqlandı

Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.

3 Dek 2021
Səhiyyə - Sağlamlıq

Qəhvənin gözlər üçün gözlənilməz faydası açıqlanıb

İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.

20 May 2021
Səhiyyə - Sağlamlıq

Dəri xərçənginin qarşısını almaq mümkündür!

24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.   

3 May 2021
Səhiyyə - Sağlamlıq

Hamiləlik - sağlam başlanğıcın təməli

Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.