BMT: “Beynəlxalq ictimaiyyət uşaqları internetdə təhlükələrdən qorumaq üçün tədbirlər görməlidir”

BMT: “Beynəlxalq ictimaiyyət uşaqları internetdə təhlükələrdən qorumaq üçün tədbirlər görməlidir”
03 Okt 2019 12:12

BMT-nin Dayanıqlı İnkişaf naminə Genişzolaqlı Komissiyası virtual məkanda təhlükələr barədə yeni hesabat dərc edib.
 
"ICTnews" Elektron Xəbər Xidməti "UN www.un.org" resursuna istinadən yazır ki, ekspertlərin sözlərinə görə, internet uşaqların təhsil və informasiyadan istifadə sahəsində imkanlarını genişləndirib və onlar qarşısında sərhədsiz onlayn əyləncə dünyasına qapılar açıb. Bununla yanaşı, uşaqlar virtual məkanda tez-tez təhlükələrlə üzləşirlər.  
 
Bildirilir ki, internet uşaqların seksual istismarı üçün alətə çevrilir, onlayn rejimdə yeniyetmələrin radikallaşması və ekstremist qrupların sırasına cəlb edilməsi baş verir, bəzi uşaqlarda isə videooyunlardan sağlamlıq üçün ciddi təhlükə törədən asılılıq inkişaf edir.  
 
Ekspertlər qeyd edir ki, uşaqlar internet istifadəçilərinin 30 faizini təşkil edir və beynəlxalq ictimaiyyət onları potensial təhlükələrdən qoruyacaq tədbirlər görməlidir.  
 
İsveç kraliçası Silviya hesabatın dərc edilməsi münasibətilə Nyu-Yorkda BMT-nin mənzil-qərargahında keçirilən tədbirdə deyib ki, bütün maraqlı tərəflər uşaqların internetdə istənilən formada istismarının, eləcə də onlara qarşı zorakılığın qarşısının alınması üçün səyləri birləşdirərək tədbirlər görməlidir. Onun sözlərinə görə, hökumətlər, elmi dairə və vətəndaş cəmiyyətinin, eləcə də özəl sektorun nümayəndələri uşaqların bu təzahürlərdən qorunması üzrə mexanizmlərin inkişafına investisiya qoymalıdırlar.
 
Qeyd olunur ki, hazırda dünyada uşaq və yeniyetmələrin təxminən 71 faizi internet istifadəçisidir və yaxın illərdə inkişaf etməkdə olan ölkələrdə genişzolaqlı rabitənin inkişafı ilə əlaqədar bu göstəricinin artacağı gözlənilir.
 
Bununla belə, hesabata görə, dünyanın yalnız 21 ölkəsində uşaqları internetdə təcavüzdən qoruyan qanunlar qüvvədədir.  
 
Mütəxəssislər vurğulayır ki, valideynlər, müəllimlər və sosial işçilər onlayn təhdidlərlə mübarizədə vacib rol oynayırlar. Onlar uşaqları internetdə mümkün təhlükələr barədə məlumatlandırmalı, bu və ya digər halda özlərini neçə aparmalarını izah etməli və virtual məkanda davranışlarını izləməlidirlər.  

Realpress.az


19 Okt 2019
İT

Vatikanda “ağıllı” təsbeh yaradılıb (VİDEO)

Vatikanda müasir texnologiya və qurğuları sevən gənc katoliklərin kilsəyə cəlb edilməsi məqsədilə "ağıllı" təsbeh buraxılıb.

18 Okt 2019
İT

Dünyada ən kiçik əl printeri təqdim edilib

“PrinCube” adlı əl printerinin çəkisi 110 qr-dır. Ənənəvi printerlərdən fərqli olaraq bu cihazla nəyisə çap etmək üçün onu səthin üzərisi ilə əllə hərəkət etdirmək lazımdır. Sözügedən printer öz arxasınca müxtəlif rəngli mürəkkəblərdən ibarət iz saxlayır.

18 Okt 2019
İT

Dünyada “5G” şəbəkəsinin sürətli tətbiqi proqnozlaşdırılır

“CCS Insight” şirkəti beşinci nəsil mobil rabitə şəbəkəsinin (5G) yaxın illərdə sürətli tətbiqini proqnozlaşdırır. Mütəxəssislərin qiymətləndirməsinə görə, 2022-ci ildə bütün dünyada “5G” şəbəkələrinə qoşulmaların sayı 1 milyarda çatacaq, 2024-cü ildə onların sayı 2 milyardadək artacaq, 2025-ci ildə isə 3 milyardı ötəcək.

18 Okt 2019
İT

İnformasiya təhlükəsizliyi bazarında 9,4 faiz illik artım gözlənilir

İnformasiya təhlükəsizliyi üçün dünya həllər bazarının həcmi artır və yaxın illərdə artım nümayiş etdirməkdə davam edəcək. Bu barədə “International Data Corporation” (IDC) analitik şirkətinin tədqiqatında deyilir.

18 Okt 2019
İT

“Samsung” smartfonlarının barmaq izi müdafiəsi faydasız olub

"Samsung" şirkəti istənilən şəxsin "Galaxy S10" smartfonunun mühafizə sisteminə müdaxilə etməsinə imkan verən boşluğun mövcudluğunu etiraf edib. Bu haqda "Reuters" yazıb.