İki ekranla təchiz edilən “Microsoft Surface Duo” smartfonu təqdim edilib

İki ekranla təchiz edilən “Microsoft Surface Duo” smartfonu təqdim edilib
03 Okt 2019 12:38

"Microsoft" korporasiyası qatlanan iki ekranla təchiz edilən "Surface Duo" adlı yeni smartfon nümayiş etdirib.
 
"ICTnews" Elektron Xəbər Xidməti "NEWSru www.news.ru" resursuna istinadən yazır ki, açıq vəziyyətdə 8,3 düymlük planşetə çevrilən yeni qurğunun ekranının hər biri 5,6 düym diaqonallıdır.
 
Məlumata görə, smartfon mövcud formaya uyğunlaşan "Android" əməliyyat sisteminin idarəetməsi ilə işləyir. Tərəflərdən biri 360 dərəcə dönür ki, bu da istifadəçiyə müstəqil şəkildə rahat mövqe seçməyə imkan verir.
 
"Microsoft Surface Duo" modeli birkristallı "Snapdragon 855" sistemi ilə təchiz edilib. Qurğunun digər texniki xüsusiyyətləri barədə məlumat verilmir.  
 
Smartfonun 2020-ci ilin sonunda satışa çıxarılacağı gözlənilir.

Realpress.az


18 Fev 2020
İT

Çində məktəblərdə koronavirusun yayılmasına görə onlayn təhsil sisteminə başlanılıb

Çində ay təqvimi üzrə Yeni il bayramı ilə əlaqədar tətildən sonra məktəblərdə dərslər fevralın 17-də başlamalı idi. Ancaq “COVID-19” virusunun kütləvi yayılmasına görə məktəblərin açılışı təxirə salınır. Şagirdlərin yenidən məktəblərdə parta arxasında oturacağı tarix hələ ki dəqiq bilinmir. Amma tədris prosesi dayandırılmayıb: milyonlarla çinli məktəbli internet üzərindən biliklərə yiyələnəcək.

18 Fev 2020
İT

“Google” ictimai yerlərdə ödənişsiz “Wi-Fi” layihəsinin fəaliyyətini dayandırır

“Google” şirkəti ictimai yerlərdə ödənişsiz “Wi-Fi” xidmətinin fəaliyyətini dayandırıb. Layihənin bağlanmasının rəsmi səbəbi kimi dünyada mobil internetin dəyərinin aşağı düşməsidir. Bu haqda “TechCrunch” bloqu yazıb.

18 Fev 2020
İT

Britaniya havanın proqnozlaşdırılması üçün superkompüterin alınmasına 1,6 milyard dollar ayırıb

Böyük Britaniya hökuməti müxtəlif hava və iqlim dəyişikliklərinin daha dəqiq proqnozlaşdırılması üçün nəzərdə tutulan müasir superkompüterin alınması üçün Milli Meteoroloji Xidmətə 1,2 milyard funt-sterlinq (1,6 milyard dollar) ayırıb.

18 Fev 2020
İT

“Mastercard” Avropada Kibertəhlükəsizlik Mərkəzi yaradıb

"Mastercard" şirkəti Belçikada yerləşən Avropa mənzil-qərargahı əsasında yeni Kibertəhlükəsizlik Mərkəzi yaradıb. Mərkəz sənaye, dövlət sektoru və tənzimləyici orqanlar arasında informasiya təhlükəsizliyi sahəsində regional əməkdaşlıq və innovasiyaların inkişafı ilə məşğul olacaq.  

18 Fev 2020
İT

Yeni nəsil elastik robotlar olduqları yeri toxunuşla müəyyənləşdirəcəklər

Massaçusets Texnologiya İnstitutunun mühəndisləri yeni nəsil elastik robotlara olduqları yeri toxunuşla hiss edərək müəyyənləşdirməyi öyrədiblər.