Prezidentin sanksiyalarla bağlı suala cavabı dünyaya hansı mesajlar verdi? - ŞƏRH

Prezidentin sanksiyalarla bağlı suala cavabı dünyaya hansı mesajlar verdi? - ŞƏRH
07 Okt 2019 11:04


Prezident İlham Əliyev Rusiyanın “Rossiya” və “Birinci” televiziya kanallarına müsahibəsində Azərbaycan-Rusiya əlaqələrinin yüksək səviyyədə olmasından söz açıb.

Dövlət başçısı Qərb ölkələrinin rəsmi Moskvaya qarşı sanksiyalarının Azərbaycanın Rusiya ilə bağlı siyasətinə hansı formada təsir etməsi ilə bağlı sualı da cavablandırıb.

“Məlum olduğu kimi, Azərbaycanın Qərb ölkələri ilə yaxşı münasibətləri var. Rusiya artıq bir neçə ildir ki, sanksiyalar altındadır. Bu, Sizə Rusiya ilə əməkdaşlıq etməyə və bütün bu ikitərəfli layihələri inkişaf etdirməyə mane olmurmu?” sualına Prezident belə cavab verib:

“Xeyr, qətiyyən mane olmur. Bizim Rusiya ilə münasibətlərimiz hər hansı xarici siyasi gündəlikdən azaddır. Bu münasibətlər zamanın sınağından çıxıb. Hər iki tərəf bu münasibətləri strateji tərəfdaşlıq münasibətləri adlandırır. Bu, həqiqətən də belədir. Çünki biz həm qonşuyuq, həm də mehriban dostlarıq. Son vaxtlar bizim münasibətlərimiz xeyli səmərəli və keyfiyyətli olub”.

Politoloq Elxan Şahinoğlu Azərbaycanın müstəqil xarici siyasət yürütməsi ilə bağlı realpress.az-a şərh verib.

Ekspert deyib ki, Prezident suala cavabında sanksiyanın fəlsəfəsinə münasibət bildirməyib.

“Dövlət başçısı, sadəcə, bu suala cavab verdi ki, sanksiyalar Azərbaycan-Rusiya münasibətlərinə mane olmur. Əksinə, iki ölkə arasında əlaqələr daha da dərinləşir. Prezident Azərbaycanla Rusiyanın beynəlxalq meydanlarda əməkdaşlıq etdiyini, bir-birini dəstəklədiyini də bəyan etdi.

Ölkə başçısı xatırlatdı ki ki, AŞPA-nın iyun sessiyasında Azərbaycan nümayəndə heyəti tam tərkibdə Rusiyanın quruma qayıtmasına səs verib”,-deyə E.Şahinoğlu əlavə edib.

E.Şahinoğlunun fikrincə, Prezidentin cavabları onu göstərdi ki, Azərbaycan Rusiyaya qarşı sanksiyaların tətbiqinin əleyhinədir.

Siyasi şərhçi onu da bildirib ki, Prezidentin “Valday” Beynəlxalq Diskussiya Klubunun plenar sessiyasına dəvət olunması Rusiyanın Azərbaycana verdiyi dəyərin göstəricisidir.

E.Şahinoğlu söyləyib ki, Azərbaycanla Rusiya arasında ikitərəfli əməkdaşlıq inkişaf edir.


16 Okt 2019
Siyasət

Prezident: Məscidləri dağıdan Ermənistan müsəlman ölkələri ilə dost ola bilməz

Prezident: Məscidləri dağıdan Ermənistan müsəlman ölkələri ilə dost ola bilməz

15 Okt 2019
Siyasət

Leyla Əliyevanın şeir yaradıcılığı türk poeziyasına yeni bədii ruh gətirəcək

Leyla Əliyevanın şeir yaradıcılığı türk poeziyasına yeni bədii ruh gətirəcək

15 Okt 2019
Siyasət

Azərbaycan Parlamentlərarası İttifaqda Türkiyəyə qarşı qətnamə layihəsinin əleyhinə səs verib

Milli Məclisin deputatları Şahin İsmayılov, Kamran Bayramov, Sona Əliyeva və Kamran Nəbizadədən ibarət parlament nümayəndə heyəti Parlamentlərarası İttifaqın Serbiyanın paytaxtı Belqrad şəhərində "Beynəlxalq hüququn möhkəmləndirilməsində parlamentlərin rolu və mümkün mexanizmlər, regional əməkdaslığın töhfəsi" mövzusunda keçirilən 141-ci Assambleyasında iştirak edirlər.

15 Okt 2019
Siyasət

Prezidentdən İsa Həbibbəyli ilə bağlı — SƏRƏNCAM

Azərbaycan Respublikası Prezidenti İlham Əliyev İsa Həbibbəylinin 1-ci dərəcəli “Vətənə xidmətə görə” ordeni ilə təltif edilməsi haqqında sərəncam imzalayıb.

15 Okt 2019
Siyasət

Bakıda Nazarbayevə “Türk Dünyasının Ali Ordeni” verildi — VİDEO

Bakıda “Türk Dünyasının Ali Ordeni” Nursultan Nazarbayevə təqdim olunub.