İnformasiya təhlükəsizliyi bazarında 9,4 faiz illik artım gözlənilir

İnformasiya təhlükəsizliyi bazarında 9,4 faiz illik artım gözlənilir
18 Okt 2019 14:57

İnformasiya təhlükəsizliyi üçün dünya həllər bazarının həcmi artır və yaxın illərdə artım nümayiş etdirməkdə davam edəcək. Bu barədə “International Data Corporation” (IDC) analitik şirkətinin tədqiqatında deyilir.

 

“ICTnews” Elektron Xəbər Xidməti “DailyComm” resursuna istinadən yazır ki, ekspertlərin proqnozuna görə, 2019-cu ildə kibermühafizə üçün nəzərdə tutulan avadanlıq, proqram təminatı və servislərin qlobal satışı 106,6 milyard dollara çataraq 2018-ci illə müqayisədə 10,7 faiz artacaq. Yaxın beş ildə bazarda illik artım 9,4 faiz olmaqla 2023-cü ildə 151,2 milyard dollar təşkil edəcək.

 

Şirkət nümayəndələrinin fikrincə, xidmətlər nəzərdən keçirilən bazarda ən böyük xərclər istiqaməti olacaq. İlk növbədə söhbət informasiya təhlükəsizliyinin idarəetməsi, konsaltinq, inteqrasiya və təlim ilə bağlı xidmətlərdən gedir. Analitiklərin qiymətləndirməsinə görə, 2019-cu ildə şirkətlər bu xidmətlərə 47 milyard dollar sərf edəcəklər, beş il ərzində isə bu seqmentdə 11,2 faiz səviyyəsində illik artım müşahidə ediləcək.

 

İnformasiya təhlükəsizliyi üçün ikinci ən böyük xərclər sahəsi kimi proqram təminatı qeyd olunur – 2019-cu ildə bura 38 milyard dollar qoyulacaq. Belə məhsullara təhlükəsizliyin analizi, kibertəhdidlərin axtarışı və reaksiyası üçün həllər şamil edilir.

 

Bu il informasiya təhlükəsizliyi avadanlıqlarının satışı 21 milyard dolları üstələyəcək. Bunun əksər hissəsi isə şəbəkə təhlükəsizliyi üçün qurğuların payına düşəcək.

 

İnformasiya təhlükəsizliyinə daha çox investisiya yatıran sahələrə gəldikdə, birinci yeri bank sektoru tutur. Sonrakı pillələrdə diskret istehsal və dövlət orqanları qərarlaşıb. Dünyada informasiya təhlükəsizliyi xərclərinin 30 faizi bu üç sahənin payına düşəcək. Qeyd olunan sahələr üzrə xərclərin 35 faizindən çoxuna inteqrasiya və kibermühafizə idarəetməsi xidmətləri sahib çıxacaq.

 

İnformasiya təhlükəsizliyi məhsul və xidmətlərinin satışında ən yüksək artım tempi dövlət sektoru, telekommunikasiya sənayesi və xammal sektorunda gözlənilir: 2019-2023-cü illər ərzində müvafiq olaraq illik 12,5, 11,9 və 11 faiz.

 

Bu il təhlükəsizliyin idarəetməsi xidmətləri üçün qlobal xərclər 21 milyard dolları ötəcək. Bu, nəzərdən keçirilən bazarın ən böyük seqmenti olacaq, çünki şirkətlər gecə-gündüz informasiya təhlükəsizliyi əməliyyatlarının monitorinqini və idarəetməsini həyata keçirirlər.

 

Yayılmasına görə ikinci ən böyük informasiya təhlükəsizliyi məhsulu kateqoriyası şəbəkə təhlükəsizliyi üçün qurğular, o cümlədən təhdidlərin unifikasiya edilmiş idarəetməsi üçün aparaturalar, şəbəkələrarası ekranlar və müdaxilələrin aşkarlanması və qarşısının alınması texnologiyaları olacaq.

 

Tədqiqata görə, 2019-cu ildə ABŞ-da informasiya təhlükəsizliyi bazarının həcmi 46,2 milyard dollar təşkil edəcək. Satış həcminə görə ikinci yerdə Çin, üçüncüdə Böyük Britaniya, dördüncüdə Almaniya yer alacaq.

Realpress.az


18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.