Sürücülərlə bağlı yeni - QƏRAR

Sürücülərlə bağlı yeni - QƏRAR
21 Okt 2019 13:43


Əmək və Əhalinin Sosial Müdafiəsi Nazirliyi “Avtomobil sürücülərinə ixtisas sinfinin verilmə Qaydaları”nda dəyişikliyi təsdiq edib.

realpress.az-ın xəbərinə görə, bununla bağlı Kollegiyanın sədri, Əmək və əhalinin sosial müdafiəsi naziri Sahil Babayev qərar imzalayıb.

Qərarla nazirliyin Aparatının Hüquq şöbəsinə tapşırıq verilib.

Tapşırıqda bildirilib ki, şöbə bu qərarın qəbul edildiyi gündən üç gün müddətində Azərbaycan Respublikasının Hüquqi Aktların Dövlət Reyestrinə daxil edilməsi üçün Azərbaycan Respublikasının Ədliyyə Nazirliyinə çatdırılmasını təmin etsin.

Qərarın icrasına nəzarət nazirliyin 2019-cu il 19 fevral tarixli 19020011499 nömrəli əmri ilə müəyyən edilmiş vəzifə bölgüsünə əsasən həyata keçiriləcək.

Dəyişikliyə gəlincə, 2.8-ci maddə yeni redaksiyada verilir. Belə ki, işəgötürən 1-ci və 2-ci ixtisas sinfini almağa namizəd olan sürücülər nazirliyin Mərkəzləşdirilmiş elektron informasiya sisteminin “Əmək müqaviləsi bildirişi” altsistemi vasitəsi ilə müəyyənləşdirir. Həmçinin sürücüləri bu barədə məlumatlandırır.

2.12 maddədə də dəyişiklik edilib. Dəyişikliyə görə, işəgötürən ixtisas sinfi verilmiş və ya ixtisas sinfindən məhrum edilmiş sürücülərin əmək müqavilələrinə dəyişikliklər edərək nazirliyin Mərkəzləşdirilmiş elektron informasiya sisteminin “Əmək müqaviləsi bildirişi” altsisteminə daxil edir.

Qərar “Azərbaycan Respublikasının Əmək və Əhalinin Sosial Müdafiəsi Nazirliyinin “Mərkəzləşdirilmiş elektron informasiya sistemi haqqında Əsasnamə”nin və “e-sosial” internet portalı haqqında Əsasnamə”nin təsdiq edilməsi barədə” Prezidentin 2019-cu il 15 aprel tarixli 634 nömrəli Fərmanının 3.3-cü hissəsinin icrasını təmin etmək məqsədi ilə verilib.

Həmçinin, Prezidentin 2011-ci il 16 fevral tarixli 386 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”nin 5.10-cu bəndini rəhbər tutaraq Kollegiya bu qərarı çıxarıb.


7 Noy 2019
İqtisadiyyat

SOCAR: Azərbaycan neftçiləri adından Mehriban Əliyevaya təşəkkür edirik

SOCAR: Azərbaycan neftçiləri adından Mehriban Əliyevaya təşəkkür edirik

6 Noy 2019
İqtisadiyyat

Yanvar ayının birindən maaşınızdan 10 AZN tutulacaq - RƏSMİ

1 yanvar 2020-ci ildən etibarən icbari tibbi sığortanın (bundan sonra İTS) bütün ölkə üzrə tətbiqi məqsədilə keçən ilin sonlarında “Tibbi sığorta haqqında” Azərbaycan Respublikasının Qanununda (bundan sonra Qanun) dəyişiklik edilib və ölkə başçısı tərəfindən “Azərbaycanda icbari tibbi sığortanın tətbiqinin təmin edilməsi ilə bağlı bir sıra tədbirlər haqqında” fərman imzalanıb. Fərmana uyğun olaraq “Tibbi Ərazi Bölmələrini İdarəetmə Birliyi” (bundan sonra TƏBİB) publik hüquqi şəxs yaradılıb və bir çox dövlət tibb müəssisələrinin TƏBİB-in tabeliyinə verilməsi ilə bağlı qərar qəbul edilib.

6 Noy 2019
İqtisadiyyat

Bugünkü valyuta məzənnələri

Azərbaycan Mərkəzi Bankı 6 noyabr tarixinə olan valyuta məzənnələrini açıqlayıb.

4 Noy 2019
İqtisadiyyat

İlham Əliyevin çağırışından sonra Rövnəq Abdullayev gəncləri yüksək vəzifələrə təyin etdi - RƏSMİ

İlham Əliyevin çağırışından sonra Rövnəq Abdullayev gəncləri yüksək vəzifələrə təyin etdi - RƏSMİ