“Toshiba” korporasiyası “Əşyalar interneti” bazarında ittifaq yaradır

“Toshiba” korporasiyası “Əşyalar interneti” bazarında ittifaq yaradır
06 Noy 2019 10:30

Yaponiyanın "Toshiba" korporasiyası "Əşyalar interneti (IoT)" bazarında ittifaq yaratdığını elan edib. Yeni ittifaqa 100-dən çox şirkət, həmçinin "SoftBank Group" və "KDDI" kimi nəhəng şirkətlər daxil edilib.

 

"ICTnews" Elektron Xəbər Xidməti "dailycomm.ru" saytına istinadən yazır ki, "ifLink Open Community" adlandırılmış yeni təşkilatın iştirakçıları "Toshiba" korporasiyasının 2020-ci ilin yazında istifadəyə verilməsi planlaşdırılan "IoT" platformasını dəstəkləyəcəklər.

 

İttifaqın tərkibinə daxil olan şirkətlər "IoT" xidmətlərini sıfırdan yaratmalı olmayacaqlar: əlçatan olacaq platforma sayəsində rəqib şirkətlərin həllərinin birləşdirilməsi hesabına məhsul prototipini bir-iki günə hazırlamaq mümkün olacaq. Belə yanaşma sayəsində məhsulların kommersiya bazarına çıxarılmasını sürətləndirmək mümkündür.

 

"Toshiba" korporasiyası tərəfindən irəli sürülmüş təşəbbüsün tərəfdarları bildiriblər ki, ittifaq mövcud texnologiyaları yeni üsullarla birləşdirməyə kömək etməlidir. Məsələn, muzeyə giriş qapısının qarşısında çəkini müəyyənləşdirən datçikdən istifadə edilməsini nümunə göstərmək olar. Ziyarətçi gəldiyini qeydə alan datçik avtomatik tövsiyə təklif etməyə kömək edəcək.

 

"Toshiba" korporasiyası, həmçinin istehlakçılar üçün ittifaq üzvləri tərəfindən hazırlanmış məhsulların təqdim ediləcəyi sayt hazırlayacaq.

Realpress.az


18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.