Bakıda xəstə özünü xəstəxananın pəncərəsindən atdı - RƏSMİ

Bakıda xəstə özünü xəstəxananın pəncərəsindən atdı - RƏSMİ
08 Noy 2019 11:44


Respublika Diaqnostika Mərkəzi özünü beşinci mərtəbədən atan pasiyentlə bağlı açıqlama yayıb.

Mərkəzdən realpress.az-a verilən məlumata görə, xəstənin laborator göstəriciləri və əməliyyatdan sonra köçürülmüş böyrəyinin vəziyyəti normal və qənaətbəxş olub:

“Martın 1-də müayinə olunmaq üçün Respublika Diaqnostika Mərkəzinə müraciət edən 1976-cı il təvəllüdlü Gülməmmədov İlkin Şubay oğlu bütün zəruri müayinələrdən, həmçinin, psixiatr baxışından keçib.

Sentyabrın 23-də xəstə əməliyyat olunaraq ona böyrək köçürülüb. Oktyabrın 5-i normal vəziyyətdə evə yazılıb. Xəstənin əməliyyatla bağlı bütün xərcləri Səhiyyə Nazirliyi tərəfindən ödənilib. Qeyd etmək istəyirik ki, böyrəkköçürmə əməliyyatından əvvəl hər bir xəstə və donoru psixiatr müayinəsindən mütləq şəkildə keçir. 

Xəstə aldığı immunsupressiv (immunitet sisteminin zəifliyi) müalicə ilə bağlı bir sıra narahatlıqlar yaşadığından yenidən müayinə olunması üçün oktyabrın 9-da xəstəxanaya yerləşdirilib. Həmin tarixdən noyabrın 7-nə kimi aparılan müalicə nəticəsində xəstənin ümumi vəziyyətində yaxşılaşma müşahidə olunub.

Xəstənin laborator göstəriciləri və əməliyyatdan sonra köçürülmüş böyrəyinin vəziyyəti normal və qənaətbəxş idi. O, xəstəxanada müalicədə olduğu müddət ərzində, həmçinin, intihar hadisəsinin baş verdiyi gün də ailə üzvləri ilə görüş olub. Yaxın günlərdə evə yazılması planlaşdırılırdı”.

Dünya statistikasına görə, xroniki böyrək çatışmazlığından əziyyət çəkən və böyrək transplantasiyası icra olunmuş xəstələrin 25 faizi ağır depressiv vəziyyətdə olur. Bununla bərabər, dünyada aparılan ciddi statistika araşdırmalara görə, xroniki böyrək çatışmazlığından əziyyət çəkən xəstələrin 21 faizində suisidial cəhdlər qeydə alınır. Dünya üzrə xəstəxanalarda baş verən suisidial hallar isə 6,1 faiz təşkil edir.

Qeyd edək ki, pasiyent Gülməmmədov İlkin noyabrın 7-də müalicə olunduğu xəstəxananın beşinci mərtəbəsinin pəncərəsindən özünü yerə atıb. O, aldığı xəsarətlərdən vəfat edib.

Faktla bağlı hüquq-mühafizə orqanları tərəfindən araşdırma aparılır.


19 Noy 2019
Cəmiyyət

Siyəzən - Dadlı toyuqdan növbəti innovativ addım!

42 yeni, müasir və avtomatlaşdırılmış dam artıq istifadəyə verildi!

19 Noy 2019
Cəmiyyət

Diabetdən qorunmanın YOLLARI: Çox gəzin və boşqabı üç hissəyə bölün

Prediyabeti - tam insulinə qarşı həssaslığın inkişafından əvvəlki vəziyyətdir. Həftədə ən az 150 dəqiqə orta intensivlikdə məşq etmək tövsiyə olunur. Buraya sürətli gəzinti daxildir.

19 Noy 2019
Cəmiyyət

Bu qəsəbədə su olmayacaq

Bakının bu qəsəbəsində su olmayacaq.

19 Noy 2019
Cəmiyyət

Sumqayıtın 70 illiyi ilə bağlı parad keçirildi

Sumqayıt şəhərinin 70 illik yubileyi ilə əlaqədar təntənəli mərasim keçirilir.

19 Noy 2019
Cəmiyyət

Bakıda sakinlər bu küçəyə Mübariz İbrahimovun adını veriblər — VİDEO

Bakıda yüzlərlə sakinin yaşadığı ərazidə heç bir küçə adı yoxdur.