Bu şəxslərin kvota ilə işə qəbuluna elektron qaydada nəzarət ediləcək

Bu şəxslərin kvota ilə işə qəbuluna elektron qaydada nəzarət ediləcək
08 Noy 2019 15:34

"Əmək və Əhalinin Sosial Müdafiəsi Nazirliyi (ƏƏSMN) yeni yaradılan "Məşğulluq" alt sistemi vasitəsilə müəssisələrdə müəyyən kateqoriyalı şəxslərin işə götürülməsi üçün ayrılan kvotaya nəzarəti elektron qaydada həyata keçirəcək".

Realpress.az Trend-ə istinadən xəbər verir ki, bunu Əmək və Əhalinin Sosial Müdafiəsi nazirinin müavini Anar Əliyev bu gün keçirilən mətbuat konfransında deyib.

Onun sözlərinə görə, mövcud qanunvericiliyə əsasən, xüsusi qayğıya ehtiyacı olan şəxslərin, xüsusilə əlilliyi olan şəxslərin işə qəbulu kvota əsasında həyata keçirilir. Bu kvota müəssisələrdəki iş yerlərinin 5 faizi həcmində müəyyən edilib:

"Yerli məşğulluq xidməti tərəfindən yerlərdə məşğulluq proqramları həyata keçirilir. Həmin proqramlarda bu kvotaya aid olan müəssisələrin siyahısı müəyyən olunur və kvota əsasında şəxslərin işə qəbulu aparılır. Biz deyə bilərik ki, bu sahədə işlər aparılır və ciddi problem yoxdur" .

A.Əliyev əlavə edib ki, həm "Məşğulluq haqqında" qanunda, həm də ƏƏSMN-nin "Məşğulluq" alt sistemində işəgötürənlər üçün ona təklif olunan namizədlərin məcburi qaydada işə qəbul olunması ilə bağlı heç bir mexanizm yoxdur: "Söhbət ondan gedir ki, istənilən işaxtaran şəxslə bağlı məlumat işəgötürənlərin şəxsi kabinetinə göndərilir. Amma işəgötürən namizədi bəyəndiyi təqdirdə göndərişi təsdiq edir, yəni bununla bağlı bir məhdudiyyət yoxdur".


9 İyul 2020
Cəmiyyət

Zakir Həsənov türkiyəli həmkarına başsağlığı verib

Müdafiə naziri general-polkovnik Zakir Həsənov Türkiyənin Sakarya vilayətində baş vermiş partlayış nəticəsində Türkiyə Silahlı Qüvvələrinin hərbi qulluqçularının həlak olması və yaralanması ilə əlaqədar Türkiyənin Milli Müdafiə naziri cənab Hulusi Akara başsağlığı ünvanlayıb.

9 İyul 2020
Cəmiyyət

Mərakeşdə fövqəladə sanitar vəziyyət avqustadək uzadılıb

Mərakeş hökuməti koronavirus pandemiyasına qarşı mübarizə aparmaq məqsədilə martın 20-dən tətbiq olunan fövqəladə sanitar vəziyyət rejimini avqustun 10-dək uzatmaq qərarına gəlib.

9 İyul 2020
Cəmiyyət

"Abituriyentlər üçün dərs vaxtı"nın sabahkı cədvəli açıqlanıb

Təhsil Nazirliyi "Mədəniyyət" və "ARB Günəş" telekanallarında yayımlanan "Abituriyentlər üçün dərs vaxtı"nın 10 iyul üçün nəzərdə tutulan cədvəlini təqdim edib.

9 İyul 2020
Cəmiyyət

Ağsuda taxıl sahəsi yanır

Ağsu rayonunun Nüydü kəndi yaxınlığında biçilmiş taxıl sahəsində yanğın baş verib. Yanğının yaxınlıqdakı əkin sahələrinə və meşə zolağına keçmə təhlükəsi yaranıb.

9 İyul 2020
Cəmiyyət

Ermənilər işğal altındakı Azərbaycan torpaqlarında yanğın törədiblər - FOTO

Ermənilər işğal etdikləri Azərbaycan torpaqlarında yenidən yanğın törədiblər.