ABŞ məhkəməsi sərhəddə elektron qurğuların səbəbsiz yoxlanılmasını qadağan edib

ABŞ məhkəməsi sərhəddə elektron qurğuların səbəbsiz yoxlanılmasını qadağan edib
15 Noy 2019 14:51

Boston Federal Məhkəməsi ABŞ hüquq-mühafizə orqanlarının əməkdaşlarının ölkə sərhədini keçən şəxslərin elektron qurğularını tutarlı səbəb olmadan yoxlamaq hüququna malik olmaması ilə bağlı qərar çıxarıb.

 

“ICTnews” Elektron Xəbər Xidməti “NEWSru” resursuna istinadən yazır ki, qərar məhkəmə tərəfindən 2017-ci ildə qrup şəklində verilən iddiaya baxıldıqdan sonra qəbul olunub. Sərhəddə elektron qurğuları yoxlanılan iddiaçılar sırasına ABŞ Kosmik Agentliyinin (NASA) mühəndisi də daxil olub, cavabdeh qismində isə ABŞ Gömrük və Sərhəd Mühafizəsi Xidməti (CBP) çıxış edib. Məhkəmədə iddiaçıların marağını təmsil edən ABŞ Vətəndaş Azadlıqları İttifaqının (ACLU) və “Electronic Frontier Foundation” (EFF) hüquq müdafiə təşkilatının hüquqşünasları smartfon və digər qurğuların yoxlanılmasının konstitusiyaya zidd olmasını bildiriblər.

 

Belə yoxlamalar Donald Tramp ABŞ Prezidenti təyin olunduqdan sonra geniş yayılmağa başlayıb. Belə ki, təkcə 2017-ci ilin birinci yarısında sərhədçilər tərəfindən 15 min elektron qurğuda saxlanılan məlumatlar öyrənilib.

 

Nəticədə məhkəmə qərara gəlib ki, sərhəddə dövlət maraqları birinci dərəcəli olsa da, bu, qurğuların tutarlı səbəb olmadan yoxlanılması üçün əsas deyil – yoxlamanın aparılması üçün sərhəd xidmətinin əməkdaşı əsaslı şübhələrə malik olmalıdır. Əks təqdirdə belə yoxlama səyahət edən şəxslərin hüquqlarını pozur.

Realpress.az

18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.