Norveçdə İslam əleyhinə hərəkatın liderinə hücum olub.
RT-nin məlumatına görə, hadisə “Norveçin İslamlaşmasını dayandırın” (SIAN) şüarı altında keçirilən mitinq zamanı baş verib.
Bildirilib ki, polislərin xəbərdarlığına baxmayaraq, SIAN rəhbəri Lars Torsen Quranı yandırıb. Nəticədə kənarda duran tamaşaçılardan bəziləri meydana atılıb və onu döyüb. Hüquq-mühafizə orqanlarının əməkdaşlarının işə qarışmasından sonra Torsen və hücumçular saxlanılıb.
O da vurğulanıb ki, mitinq yerli hökumətlə razılaşdırılmış şəraitdə keçirilib. Ancaq hüquq-mühafizə orqanlarının aksiyaçılara müqəddəs kitabın təhqirinə yol verməmək barədə göstərişi olub. Bununla belə, nümayiş zamanı bir neçə Quran cırılıb, sonuncusu isə yandırılıb.
Norveçin müsəlman liderləri "nifrət zəminində cinayət" ittihamı ilə bağlı SIAN-a qarşı iddia qaldırmaq fikrindədirlər.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.