Beynəlxalq Kosmik Stansiyada robotlar üçün saxlanc yeri quraşdırılacaq

Beynəlxalq Kosmik Stansiyada robotlar üçün saxlanc yeri quraşdırılacaq
10 Dek 2019 09:28

ABŞ Kosmik Agentliyi (NASA) Beynəlxalq Kosmik Stansiyanın kənar səthində avtomatik cihazların saxlanılması üçün nəzərdə tutulan “RiTS” (Robotic Tool Stowage) adlı “hotel” quraşdıracaq. Bu barədə agentliyin saytında deyilir.

 

“ICTnews” Elektron Xəbər Xidməti “TASS” resursuna istinadən yazır ki, saxlanc yerində astronavtlar tərəfindən mütəmadi istifadə edilməyən avadanlıq saxlanılacaq. “NASA” nümayəndələrinin sözlərinə görə, bu, stansiya daxilində yer boşaltmağa imkan verəcək.

 

“Blokun istilikqoruyucu sistemi aparatların optimal temperatur şəraitində saxlanılmasını təmin edəcək. Bundan başqa, “RiTS” onları radiasiya və mikrometeoritlərdən qoruyacaq”, – layihə rəhbəri Mark Nyumen bildirib.

 

Məlumata görə, “RiTS” stansiyaya dekabrın 7-də “SpaceX” şirkətinin “Dragon” yük gəmisi tərəfindən çatdırılıb. Raket Kanaveral kosmodromundan dekabrın 4-də start götürüb. Onun göyərtəsində Beynəlxalq Kosmik Stansiyanın ekipajı üçün 3 ton müxtəlif yük, o cümlədən elmi eksperimentlərin aparılması üçün materiallar mövcuddur.

 

“RiTS” saxlanc yerinə ilkin olaraq iki “RELL” (Robotic External Leak Locator) cihazı yerləşdiriləcək. Bu aparat vasitəsilə stansiyada müxtəlif qurğuların soyutma sistemində, o cümlədən astronavtların həyat təminatı sistemində ammiak sızması mənbəyini aşkarlamaq mümkün olacaq.

 

“NASA” nümayəndələrinin sözlərinə görə, astronavtlar tərəfindən “RELL” cihazından istifadə üçün zərurət yaranacağı təqdirdə avadanlığın Beynəlxalq Kosmik Stansiyaya qaytarılması üçün onlardan açıq kosmosa çıxmaq tələb olunmayacaq. Çünki bu vəzifənin öhdəsindən “Dextre” manipulyatorunun “əli” gələcək.

 

Qeyd edək ki, hazırda Beynəlxalq Kosmik Stansiyada Rusiya və ABŞ kosmonavtları Aleksandr Skvorsov, Oleq Skripoçka, Endryu Morqan, Kristina Kuk və Cessika Meir, eləcə də Avropa Kosmik Agentliyinin nümayəndəsi italiyalı astronavt Luka Parmitano çalışırlar.

Realpress.az


18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.