Hitrou aeroportunda dronları izləyən sistem quraşdırılıb

Hitrou aeroportunda dronları izləyən sistem quraşdırılıb
17 Yan 2020 11:01

Londonun Hitrou aeroportunda uçuş üçün bağlı zonada olan pilotsuz uçan aparatların aşkarlanması, izlənilməsi və identifikasiyası sistemi quraşdırılıb. Sistem, həmçinin dronun operatorunun olduğu yeri müəyyənləşdirməyə imkan verir.

 

“ICTnews” Elektron Xəbər Xidməti “NEWSru” resursuna istinadən yazır ki, son illər sayı durmadan artan həvəskar dronların istifadəçiləri məlumatsızlıqdan və ya qəsdən dronların istismar qaydalarını pozduğu halda sərnişin təyyarələri üçün təhlükə törədə bilərlər. Bununla əlaqədar müxtəlif ölkələrin hökumətləri tərəfindən pilotsuz uçan aparatlardan istifadəyə məhdudiyyətlər tətbiq olunur, hava limanlarının administrasiyaları isə dronların izlənilməsi və onlarla mübarizə üçün sistemlərin quraşdırılması barədə düşünür.

 

Hitrou aeroportunda Fransanın “Thales” şirkəti tərəfindən quraşdırılan sistem barədə məlumat çox azdır. Onun dəqiq tərkibi və funksionallığı açıqlanmır. Jurnalistlərin məlumatına görə, sistemə “Aveillant” şirkətinə məxsus dronları 5 kilometr məsafədən aşkarlamağa imkan verən holoqrafik radar daxildir. “Thales” şirkəti oxşar dronların aşkarlanması sistemini Parisin Şarl de Qoll aeroportunda da quraşdırıb.

Realpress.az


18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.