Xəbər verdiyimiz kimi, yanvarın 17-də Ukraynanın Baş naziri Aleksey Qonçaruk istefa verib.
TASS agentliyi Qonçarukun istefa səbəblərini açıqlayıb.
Məlumatlara görə, yanvarın 15-də “Prezidenti necə aldatmalı” adlı “YouTube” kanalında Qonçarukun Ukrayna Milli Bankının sədr müavini Yekaterina Rojkova və Maliyyə naziri Oksana Markarova ilə dolların kursu və iqtisadi məsələlər barədə telefon danışığının səs yazısı yayılıb.
Səs yazısında Qonçarukun olduğu ehtimal edilən şəxs prezidentin iqtisadi proseslər haqqında çox primitiv anlayışının olduğunu deyib.
Mediada yayılan məlumatlara görə, bu səs yazısı “Xalqın xidmətçisi” fraksiyasının iclasında səsləndiriləndən sonra mübahisə yaranıb. İddialara görə, deputatlar Qonçaruka qəzəblənib və bəziləri hökumət başçısına etimadsızlıq təklifi ilə çıxış edib.
Qonçaruk baş verənlərlə bağlı “Facebook”da bildirib ki, səsi montaj edilib və baş nazirin prezidentə hörmət etmədiyi barədə təsəvür yaradılıb. O, bu qənaətin yaranmasının maliyyə axınlarına çıxış əldə etmək istəyən bir çox qruplara sərfəli olduğunu vurğulayıb.
Baş nazir bununla bağlı olaraq komandasının “prezidentə hörmət və etimad şübhələrini aradan qaldırmaq üçün” istefa məktubu yazdığını bildirib.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
