Displeylərin yoxlanılması ilə məşğul olan “DisplayMate” şirkətinin mütəxəssisləri “Samsung Galaxy S20 Ultra” aparatının displeyini qlobal smartfon bazarında ən yaxşı adlandırıblar.
“ICTnews” Elektron Xəbər Xidməti “lenta.ru” saytına istinadən yazır ki, şirkətin nümayəndəsi bildirib ki, “Samsung”un qabaqcıl smartfonunun displeyi parlaqlıq, kontrast və əksetmə qabiliyyəti daxil olmaqla 12 testdən keçirilib. “DisplayMate” şirkəti displeyi işıq dalğalarının uzunluğu və amplitudasını 41 etalon göstəricisi ilə müqayisə edən spektroradiometrin köməyilə sınaqdan keçirib. Mütəxəssislər “Galaxy S20 Ultra” aparatına ən yüksək qiymət veriblər.
“Galaxy S20 Ultra” qabaqcıl smartfonunun displeyinin diaqonalı 6,9 düymdür, “HDR ” dəstəkli “Dynamic AMOLED” matrisinə və 120 hers yeniləmə tezliyinə malikdir. Aparat “Exynos 990” prosessoru, 12 QB-dək əməli və 256 QB daxili yaddaş, 108, 48 və 12 meqapiksellik təsvir ölçüsünə malik kameralarla təchiz edilib.
Məlumat üçün bildirək ki, “Samsung Galaxy S20 Ultra” aparatı fevralın 11-də təqdim edilib.
Realpress.az
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.
