Yaponiya alimləri smartfon və kompüterlərdən çox istifadənin beyinin yorulması ilə nəticələnərək marazm və depressiyanın inkişafına səbəb olacağı qənaətinə gəliblər.
Realpress.az “Lenta” resursuna istinadən yazır ki, “Okumura” yaddaş klinikasının direktoru Ayumi Okumuranın sözlərinə görə, son illər yaddaş pozğunluğu diaqnozu qoyulan insanların sayı artıb. Bu problem daha çox 30-60 yaşlı xəstələr arasında aşkarlanıb.
Həkim bu tendensiyanı insanların beyinə mənfi təsir göstərərək onu böyük həcmli informasiya ilə yükləyən telefon və kompüterlərdən çox istifadə etməsi ilə izah edib. Onun sözlərinə görə, insan beyini bu həcmin emalının öhdəsindən gələ bilmir.
Alim neyrocərrah, Vaseda Universitetinin professoru Yesikuni Edaqava qeyd edib ki, beyində informasiyanın tənzimlənməsi, eləcə də düşüncə, qərarların qəbul olunması, yaddaş və emosiyalara nəzarət üçün alın payında ön qabıq məsuliyyət daşıyır. Bu səbəbdən informasiya çox olan zaman bu funksiyaların fəaliyyəti pozula bilər. Beləliklə, sadə səhvlərin sayı artır, öyrənmə səviyyəsi azalır, ümidsizlik və qəzəb əmələ gəlir, eləcə də motivasiya və maraq itir.
Alimlər tərəfindən kompüterdə işləyərkən və ya televizora baxarkən, eləcə də qida qəbulu zamanı smartfonlardan istifadə etməmək tövsiyə edilir. Bundan başqa, daha çox yatmaq məsləhət görülür, çünki yuxu zamanı beyin dincəlir və bərpa olunur.
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.
