Dörd boksçumuz rinqə çıxmamış yarış dayandırıldı

Dörd boksçumuz rinqə çıxmamış yarış dayandırıldı
17 Mar 2020 09:25

Böyük Britaniyanın paytaxtı Londonda boks üzrə Avropa Olimpiya Təsnifat Turniri yarımçıq dayandırılıb.

realpress.az xəbər verir ki, yarış təxirə salınmazdan əvvəl baş tutan sonuncu – üçüncü günün ikinci seansında Azərbaycan millisinin üç üzvü rinqə çıxıb.

Boksçularımızdan Tayfur Əliyev (-57 kq) 1/8 finalda Edqaras Skurdelislə üz-üzə (Litva) gəlib. Rəqibi ilk hissədə qaşı partladığından döyüşü davam etdirə bilməyib və həmyerlimiz qalib elan olunub. 23 yaşlı boksçu 1/4 finala yüksəlməklə, Tokio-2020 Yay Olimpiya Oyunlarına lisenziyanı da təmin edib.

52 kiloqram çəki dərəcəsində mübarizə aparan Rüfət Hüseynov da Olimpiya vəsiqəsinə yaxın olub. Lakin 1/8 finalda Kosmin-Petre Qırlyanuya (Rumıniya) 2:3 hesablı məğlubiyyət bu hüququ rəqibə qazandırıb.

Yığmamızın üzvü Kamran Şahsuvarlı isə ikinci görüşündə ukraynalı Aleksandr Xijnyakla döyüşüb. 1/16 final çərçivəsində baş tutan qarşılaşmada dünya və Avropa çempionu, həmçinin Avropa Oyunlarının qalibi olan rəqib qələbə qazanıb.

Beləliklə, martın 24-də yekunlaşmalı olan Avropa Olimpiya Təsnifat Turniri Beynəlxalq Olimpiya Komitəsinin (BOK) qərarı ilə dayandırılıb. Martın 14-də start götürən yarış may ayına qədər təxirə salınıb. Buna koronavirus pandemiyasının yayılma təhlükəsi səbəb olub.

Qeyd edək ki, Tokio-2020 Yay Olimpiya Oyunlarına lisenziya xarakterli turnirin ilk üç günündə Azərbaycan yığmasının digər boksçularından Cavid Çələbiyevlə (-63 kq) Lorenso Sotomayor (-69 kq) 1/8 finala yüksəlib. Onlardan fərqli, Anaxanım Ağayeva (-51 kq) və Rauf Rəhimov (-91 kq) məğlub olub. Məhsəti Həmzəyeva (-57 kq), Aynur Rzayeva (-75 kq) Alfonso Dominqes (-81 kq) və Məhəmməd Abdullayev (+91 kq) isə rinqə çıxmadan Londondan ayrılacaq.

4 Apr 2020
İdman

Bu il Bakıda Dünya Kuboku keçirilə bilər

Mayda Bakıda keçirilməsi planlaşdırılmış, lakin təxirə salınmış paracüdo üzrə Qran-Prinin yeni tarixi bilinib.

4 Apr 2020
İdman

PFL Azərbaycan çempionatını davam etdirmək niyyətindədir

Avropa Peşəkar Futbol Liqalarına (EPFL) üzv olan liqaların videokonfransı keçirilib.

3 Apr 2020
İdman

Yarımçıq qalmış Azərbaycan çempionatının qalibi açıqlandı

Basketbol üzrə Azərbaycan çempionatının qalibi elan edilib.

1 Apr 2020
İdman

Millimizin karantinə alınmış legioneri: “Analizin cavabını gözləyirəm”

Ölkə xaricində çıxış edən və koronavirus pandemiyası səbəbindən Azərbaycana qayıdarkən karantinə alınan milli komandanın legioner voleybolçuları – Yuliya Kərimova və Marqarita Əzizova özlərini yaxşı hiss edirlər. 

27 Mar 2020
İdman

“Qarabağ” ev rejimində onlayn məşqlərə start verdi - VİDEO

“Qarabağ”ın 14 yaşadək futbolçulardan ibarət komandası (U-14) bu gündən etibarən ev rejimində onlayn məşqlərə start verib.