Sınmış termometr nə ilə təhlükəlidir?

Sınmış termometr nə ilə təhlükəlidir?
23 Mar 2020 12:28

Biz bədən hərarətinin ölçülməsi üçün əksər hallarda civəli termometrdən istifadə edirik. Bu termometrlər çox dəqiq sayılır.

Lakin onların mənfi cəhəti də var - bu termometrlər çox asan sınır. Nəticədə termometrin içərisində olan civə çölə axır. Civə və onun birləşmələri insanın sağlamlığı və həyatı üçün çox ziyanlıdır.

Məhz bu səbəbdən Avropa ölkələrində civəli termometrlərdən çoxdan istifadə olunmur.

Termometrdən tökülmüş civə dərhal buxarlanmağa başlayır. Bu buxar isə insan orqanizmi üçün çox təhlükəlidir. İlk növbədə civə neyritoksik xüsusiyyətlərə malikdir. Bu o deməkdir ki, civə sinir hüceyrələrini dağıdır. Həmçinin civə ağciyərləri, ürəyi, həzm sistemini zədələyir.

Civədən kəskin zəhərlənmə zamanı insanda intoksikasiya əlamətləri meydana çıxır: zəiflik, iştahasızlıq, baş ağrısı. Həmçinin bu kimi simptomlar da inkişaf edir:

- udma zamanı ağrı

- ağızda metal dadı

- ağız suyunun axması

- damaqların şişməsi və qanaması

- ürəkbulanması və qusma

- güclü qarın ağrıları

- ishal (bəzən qanlı ishal).

Ağır hallarda bir neçə gündən sonra insan həlak ola bilər.

Lakin mütəxəssislər vurğulayır ki, belə simptomlar yalnız civənin çoxlu miqdarda orqanizmə daxil olunması zamanı mümkündür.

Civəli termometrin içərisində 2 ml civə var. Bu miqdar insan üçün təhlükəli deyil və kəskin zəhərlənməyə səbəb ola bilməz. Lakin nəzərə almaq lazımdır ki, civə orqanizmdə yığılmaq xüsusiyyətinə malikdir. Bu səbəbdən termometrin sınmasına etinasız yanaşmaq olmaz (xüsusilə evdə kişik yaşlı uşaqlar olduqda).

Dağılmış civəni müəyyən qaydada yığmaq (skotç istifadə olunur), otağın pəncərəsini açmaq, istilik sistemlərini (kondisioner, soba və s.) söndürmək lazımdır (isti otaqda civə daha tez buxarlanır). Ən əsası isə Fövqəladə Hallar nazirliyinin 112 xidmətinə zəng edib civənin dağılması barədə xəbər vermək lazımdır.


8 Dek 2021
Səhiyyə - Sağlamlıq

Şəkərli diabet xəstələrinə verilən insulinlərin miqdarı azaldılıb? - AÇIQLAMA

Ölkədə şəkərli diabet xəstələrinin dərmanlarla təminatında ciddi problemlər var.

6 Dek 2021
Səhiyyə - Sağlamlıq

Qanda hemoqlobini artırmaq üçün vasitələr açıqlandı

Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.

3 Dek 2021
Səhiyyə - Sağlamlıq

Qəhvənin gözlər üçün gözlənilməz faydası açıqlanıb

İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.

20 May 2021
Səhiyyə - Sağlamlıq

Dəri xərçənginin qarşısını almaq mümkündür!

24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.   

3 May 2021
Səhiyyə - Sağlamlıq

Hamiləlik - sağlam başlanğıcın təməli

Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.