Səudiyyə Ərəbistanının Kralı Salman bin Əbdüləziz martın 23-dən yerli vaxtla saat 19:00-dan 06:00-dək ölkənin bütün ərazisində komendant saatı elan edilməsi barədə sərəncam imzalayıb.
SPA informasiya agentliyinə istinadla xəbər verir ki, bu qərar ölkədə koronavirus pandemiyasının qarşısını almaq məqsədi daşıyır.
Sərəncamda bildirilir ki, Səudiyyə Ərəbistanının Daxili İşlər Nazirliyi komendant saatına əməl olunmasını təmin etməli, ölkənin mülki və hərbi idarələri koronavirusun yayılmasının qarşısını almaq üçün onunla sıx əməkdaşlıq şəraitində fəaliyyət göstərməlidir.
Vətəndaşlara evlərindən çıxmamaq tövsiyə edilib. Bu qayda təhlükəsizlik, hərbi və media sahələrində çalışanlar da daxil olmaqla, mühüm vəzifələrdə işləyənlərə şamil edilmir.
Son bir gündə Krallıqda daha 119 nəfər koronavirusa yoluxub və xəstələrin ümumi sayı 511 nəfərə çatıb.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
