Bunu realpress.az-a sərbəst güləş üzrə Olimpiya mükafatçımız, üçqat dünya və üçqat Avropa çempionumuz Hacı Əliyev deyib.
O, üç gün əvvəl Tokio Olimpiadasının bir il müddətinə təxirə salınmasına münasibət bildirib:
“Düzdür, Olimpiadaya lisenziya qazanmamışdım. Mən də istərdim ki, lisenziyam olsun. Lisenziya üçün də düzgün məşq etmək, hazırlaşmaq lazımdır. Bu gün karantin rejimindəyik. Məşq edə bilmirik. Hazırlaşmadan necə Olimpiadaya lisenziya turnirlərində çıxış edəcəkdik ki?! Gərək hazır olaq ki, gedib yaxşı güləşək.
Ona görə də, Olimpiadanın təxirə salınması yaxşı oldu. Hər işdə bir xeyir var. Bu qərarla bizə vaxt verildi ki, daha da yaxşı hazırlaşaq. Belə çətinlikdə Olimpiadada çıxış etmək yaxşı olmazdı”.
Gələn ay 29 yaşını qeyd edəcək idmançımız karyerasını bitirməklə bağlı qərarını ertələdiyini bildirib:
“Doğrudur, demişdim ki, Olimpiya Oyunlarından sonra karyeramı bitirəcəyəm. Demək ki, bizim güləşimiz hələ davam edəcək. Qismətdə yubiley yaşımda – 30-da karyeramı bitirmək varmış”.
Azərbaycanın gənclər və idman naziri Fərid Qayıbov ABŞ-də fəaliyyət göstərən və təhsil alan azərbaycanlı idmançılar və tələbələrlə görüşüb.
Kişi voleybolçular arasında Azərbaycan çempionatının Yüksək Liqasında yarımfinal mərhələsinin növbəti oyunu keçirilib.
Honkonqda təşkil olunan Olimpiya Təsnifat turnirində qalib gələrək tarixi uğura imza atan Azərbaycanın qadınlardan ibarət 3x3 basketbol millisi Vətənə dönüb.
Bədii gimnastika üzrə Azərbaycan millisinin üzvləri Zəhra Cəfərova və Şəms Müvəffəgi Qırğızıstanın paytaxtı Bişkekdə keçirilən birinci “Kelechek” beynəlxalq turnirində yeddi qızıl medal qazanıblar.
Cüdo üzrə Bakı kəndləri birinciliyinin qaliblərininə Bakı Abadlıq Xidməti tərəfindən Azərbaycan istehsalı olan, keyfiyyətinə görə son illər gənclər arasında çox populyarlaşan “İSMA BİKES” velosipedləri və pul mükafatları təqdim olunub.